ORTIGARALEFRE – FASSA 15 OTTOBRE 2023

Nia da far par l Fascia Balon che n domenia a perdù contra l Ortigaralefre. Part benon Trottner e compagnes che do 4 menuc i va n vantac con Samuele Ruggero che te usc l balon do n fal de la defendura de ciasa. Do l gol i joegn fascegn taca a lasar jiar i valsuganoc che ciapa semper più ciamp e i taca a dar cruzies a la defendura ladina che a valch vida la e bona de no ciapar l gol de pareje fin al mez del temp che rua l gol valsuganot con a trata da pec pas che fenesc te do l portier fascian. Enceben l gol ciapà i bec de mister Cigolla i fadia a far so jech e i riscia de ciapar n auter gol dant de la fin de l prum temp ma i parogn de ciasa no i e stac bogn de profitar de le ocajion abude. Ti secondi carantacinch menuc le i bec de pres Ghetta che fas la partida e i schicia i aversaries te sie mez del ciamp ma mingol par desfortuna, mingol par pecia precision no le ruà l gol del vantac. Sul mez dal temp rua l gol che dezide la endasfida co n contropè di valsuganoc che met l balon jun som al sach co na trata de ciaf che la e fenida tal set. I joegn fascegn a proa a drezar la endesfida ma zenza esser bogn. chesta outa no le ruà ponc par i ladins che proarà ja n mercol te l “turno infrasettimanale” contra l Porfido Albian a portar a ciasa i 3 ponc e do n domenia a Ischia de Perjen contra l Alta Valsugana.
Tel fin de setemana la juniores a venciù par 12 a 2 contra l Montevaccino con 4 goi par om de Michele Zulian e Daniel Chiocchetti, 2 goi de Adil Bouckrik e n gol a ciaf de Stefano Mich e Diego Platter, i Arleeves a pareja par 1 a 1contra l Fiem con gol de Sami Said, i govanissimes a venciù par 5 a 3 contra la Dolomitica con 3 goi de Alexander Weiss e n gol par om de Nicolas Rasom e Thomas Gabrieli, i esordienc “A” a perdù par 4 a 3 contra l Val di Cembra “A”, i esordienc “B” a pareja par 2 a 2 contra l porfido Albian “B”, i ponjins “A” a venciù par 3 a 2 contra la Monti Pallidi, i ponjins “C” a pareja 2 a 2 contra l Fiem “C” e i ponjins “D” a venciù par 3 a 2 contra l FIem “D”.
Pierpaolo Rasom
Simone Rasom, Gianni Riz, Alessandro Rasom (dal 41’st Davide De Pellegrini), Matteo Lorenz(dal 36’st Gabriele Zacchia), Giovanni Deflorian, Luca Trottner, Massimo Lorenz, Michele Petrone(dal 1’st Matteo Bernard), Samuele Ruggero(dal 30’ st Michele Zulian), Sebastiano Rasom, Patrizio Deville. All. Luciano Cigolla