N pas faus par l Fascia Balon che a perdù contra la Vigolana. Part sobito mal Deflorian e compagnes che do n menut i ciapà l prum gol co Deflorian che su n passaje de so compagn no le bon de l controlar e l balon fenesc del sach fascian. Do chest gol ciapà a freit i joegn fascegn va mingol n fantia e no i e bogn de far sie jech par proar a drezar la endesfida, sul mez dal temp rua l gol fascian con Massimo Lorenz che, do na bela bala metuda da Samuele Ruggero, sauta l portier e met te usc l gol de 1 a 1. Do chest gol i bec de mister Cigolla i tacà a jier e a dar cruzies a la defendura de ciasa dant con na trata de ciaf de Patrizo Deville che l defensor salva su la linea e do con a trata da tanche ite l’area de Gabriele Riz ciapada endò su la linea dal difensor valsuganot. Sul fenir de l prum temp rua l gol dal 2 a 1 da man di patrogn de ciasa con a trata da vejin. Te la seconda part de la endesfida i bec de pres Ghetta proa a drezar l resultat ma i se peta duc inant e i patrogn de ciasa part n contropè e su un de chis contropè rua l 3 a 1 co n cross falà che se tramuda n gol. Pasa 10 menuc e ruà l gol del 4 a 1 co na trata da vejin che Deflorian no le stat bon de parar. Desfata par i joegn fascegn che no se con demoralizar e tor duta ira par el risultat e tramudarla n forza par jir a ciapar endò i 3 ponc n domenia da mese le 3 contra l Alta Valsugana a Cotura.
Tel fin de setemana la juniores a venciù par 7 a 0 contra l Ortigaralefre con 2 goi de Michele Zulian e n gol a ciaf par Erik Costa, Jacopo Sommavilla, Michael Biloni, Sebastian Cassan e Samuel Casari, i Arleeves a venciù par 9 a 2 contra l Audace con 4 goi de Sami Said, 2 goi de Daniel Chiocchetti e i gol par om de Adil Bouchrik, Sebastian Cinzol e Tommaso Zulian, i giovanissimes a venciù par 6 a 0 contra l CIvezzan con doi gol par om de Michael Prinoth e Simone Zanoner e n gol par ciaf per Giovanni Detomas e Tomas Gabrieli, i esordienc “A” a venciù par 2 a 1 contra i esordienc “B”e i ponjins “C” a perdù par 3 a 0 ocntra la Dolomitica.
Pierpaolo Rasom
Leonardo Deflorian, Alessandro Sorarù(dal 35’ st Gabriele Zacchia), Alessandro Rasom(dal 10’st Gianni Riz), Gabriele Riz, Giovanni Deflorian, Tommaso Gloder, Massimo Lorenz, Michele Petrone(dal 25’st Matteo Bernard(dal 40’st Sebastian Cassan)), Sebastiano Rasom, Patrizio Deville, Samuele Ruggero(dal 30’st Alessandro Crepaz). All. Luciano Cigolla
VIGOLANA – FASSA 6 NOVEMBRE 2022
