Zacan le ruà endò i 3 ponc par l Fascia Balon degrà la venta contra l TNT Monte Peller. Taca sobito mal i bec de mister Capovilla che do n menut i va sot degrà na trata da fora l area che le fenida te do le spale de Nicolò Cincelli de Zul. Do aer ciapà gol Trottner e compagnes no se destramet e pec menuc do i troa l parejè de gra n “eurogol” de Sebastiano Rasom de Gotart che co na trata de sgol dai 25 metres met l balon te sach. Pasa 5 menuc e i parogn de ciasa das n cruzie a la defedura fasciana co na trata che ciapa duc doi i remenac defenec dal portier fascian. Do chest scomenz pien de emozion la endesfida la se chieta e la se jia tel mez del ciamp. Envers la fin del prum temp rua l secondo gol fascian con Patrizio Deville de Bronza che le bon de meter te usc do n “batti e ribatti” te area de rigor. Ti seocndi carantacinch menuc la endesfida la se jia tel mez del ciamp e nesciuna da le doi formazions a la soramesa su l autra. A n cart de ora da la fin rua l terzo gol ladin, Patrizio Deville ven petà ju te area de rigor dal portier nones, da i 11 metres se prejenta Sebastiano Rasom che i lo muda n gol. Na venta che das moral ai bec de pres Trottner che i proaarà a seghitar l moment positif ja n mercol, canche la usc sarà n stampa, jian l derby contra l Fiem al Cotura da le 8 da sera e n domenia contra l Porfido Albian a Albian da mese le 4.
Tel fin de setemana la seconda squadra a perdù par 3 a 2 contra la Dolomitica con goi de Claudio Iori su rigor e Michael Biloni, la juniores a perdù par 4 a 1 contra la Dolasiana con gol de Alexander Weiss, i Arleeves a parejà par 3 a 3 contra l Gardol con 2 goi de Andrea Pezzei e 1 de Alessio Detomas, i giovanissimes à perdù par 1 a 0 contra l Telve, i esordienc “A” a venciù par 3 a 1 contra l Fiem “B”, i esordienc “B” a perdù par 3 a 1 contra l Fiem “A”, i ponjins”A” a perdù par 3 a 0 contra la Monti Pallidi, i ponjins “B” a perdù par 3 a 1 contra la Dolomitica e i ponjins “C” a perdù par 4 a 0 contra l Fiem “D”.
Pierpaolo Rasom
Nicolò Cincelli, Gianni Riz, Tommaso Gloder, Emiliano Cinzol(dal 30’st Tomas Ngresi), Davide De Pellegrini, Luca Trottner, Gabriele Riz(dal 15’st Matteo Lorenz), Massimo Lorenz(dal 25’st Alexander Weiss), Sebastiano Rasom, Alessandro Crepaz(dal 20’st Erik Costa), Patrizio Deville(dal 40’st Roberto Del Negro). All. Alessandro Capovilla
TNT MONTE PELLER – FASSA 12 OTTOBRE 2025
