Rua la pruma venta par l Fascia Balon che n domenia a venciù contra l Tesino sul ciamp de Borgo ajache l ciamp a Castel Tesino l era pien de neif. Ti prumes menuc le i fascegn che taca miec e i proa sobito a crear ocajions par far l prum goal ma zenza ceh l balon fenese te do l portier de ciasa. Al 20’ rua l gol de l 1 a 0 co na trata da ite l area de rigor de Gianni Riz Peta che fenes sot l remanat aut. Col jir di menuc i fascegn podesa troar l 2 a 0 dant con a trata da pec pas da usc de Patrizio Deville de Bronza che l portier le bon de parar e do con Massimo Lorenz de Meca che te dant l portier no le bon de brincar l usc. Ti secondi carantacinch menuc la musega no muda con i bec de Mister Cigolla che seghita a proar a far gol e i valsuganoc che part n contropè. Do n cart de ora rua l gol del 2 a 0 prifità de n fal de la defendura de ciasa Samuele Ruggero le bon de dar l balon a Massimo Lorenz de Meca che met l balon jun som l sach. Do aer segnà chest gol i joegn ladins se senta mingol e i lasa più ciamp ai parogn de ciasa che al mez de l temp su una dele pecie ocajion aude i met l balon te do l portier fascian. col jir di menuc i valsuganoc proa a se petar inant par drezar la endesfida ma a 10 menuc dala fin rua l terzo gol fascian col joen clas 2008 Sami Said che do n bel assist de Massimo Lorenz l met l balon te sach do aer tocià l remenat a dreta del portier del Tesino. Na bela venta par i bec de pres Ghetta che n domenia i proaarà a ciapar i trei ponc contra l Matarel al Cotura dale 3.
Tel fin de setemana i Arleeves e i Giovannissimes a cognù rinviar sie partide par la neif.
Pierpaolo Rasom
Simone Rasom, Gianni Riz(dal 40’st Giacomo Deflorian), Davide De Pellegrini, Matteo Lorenz, Giovanni Deflorian, Luca Trottner, Massimo Lorenz(dal 35’st Michele Zulian), Matteo Bernard(dal 9’st Michele Petrone), Sebastiano Rasom, Gabriele Riz(dal 9’st Samuele Ruggero), Patrizio Deville(dal 33’st Sami Said). All. Luciano Cigolla
TEDINO – FASSA 25 FEBBRAIO 2024
