Rua endò i trei ponc par l Fascia balon degrà la venta contra l Primier par 3 a 2. Scomenza sobito ben Trottner e compagnes che ti prumes menuc crea doi ocajions ma che no fenesc tel sach. Col jir di menuc la endesfida la se jia terme del ciamp e se jia n muie sul pian de fisico. A cinch menuc da la fin de l prum temp rua la pruma ocajion par i parogn de ciasa che te dant a Colusso no l brinca l usc. Desche dis la “legge” del gol “gol sbagliato gol subito” doi menuc do rua l gol pat i joegn fascegn con Patrizio Deville chemet jun som al sach l balon do na gran azion creada da Matteo Lorenz e Massimo Lorenz. Però a n menut da fin del prum temp rua l gol del pari con n balon aut tocia da n aversarie che mana te usc sie compagno che chesta outa no l fala. L secondo temp taca mal par i bec arcedè da mister Cigolla che do cinch menuc ciapa l secondo gol con a granazion personala de l primierot che con a trata da i 20 metres l sbusa endò Alessandro Colusso. Do aer ciapà l gol e aer fat n par de cambi i bec de Pres. Ghetta taca endò a jiar ben par ruar a drezar la endefida. Do 10 menuc dal gol primierot podesa ruar ja l gol de l pari con Alessandro Sorarù che da pec pas ciapa l remenat a cencia del portier. Pasa amo 10 menuc e rua l gol tant sperà con Alessandro Rasom che do l gran assist de Alessandro Sorarù l met l balon te usc con a trata da ite l area de rigor, passa n par de menuc e rua l gol de la venta con Gianni Riz che desfruta n fal de la defendura primierota e a porta veta met l balon jun som al sach. Podesa ruar ence l 4 a 2 con Massimo Lorenz che ven metù ju te area ma no ven fiscià l rigor. Ti menuc de recupero rua l colp de scena che no se se speta, Alessandro Colusso l petà ju te area n aversarie e le n rigor par l Primier che volesa dir 2 ponc petè demez dal Fascia balon ma l portier fascian se fas perdonar l fal parando l rigor. Trei ponc che val or par Trottner e compagnes che n domenia proerà a seghitar l bel moment al Cotura de Vich contra l Alta Anaunia da le 4
Degrà la neveta no a jia dute le squadre mendre, a jià demò la juniores che a perdù contra l Porfido Albian par 4 a 0 e i Arleeves che a perdù par 4 a 1 con gol de Mattia Roldo.
Pierpaolo Rasom
Alessandro Colusso, Tommaso Gloder(dal 15’ st Alessadro Sorarù), Alessadro Rasom(dal 40’ st Patrick Cincelli), Matteo Lorenz, Giovanni Deflorian, Luca Trottner, Massimo Lorenz, Michele Petrone, Samuele Ruggiero, Gabriele Riz(dal 20’ st Sebastiano Rasom), Patrizio Deville (dal25’st Gianni RIz). All. Luciano Cigolla
PRIMIERO – FASSA 3 APRILE 2022
