Rua la pruma venta del 2023 par l Fascia Balon che n domenia a batù l Primier par 3 a 1. Part sobito ben Trottner e compagnes che do n menut i vadagna na trata da i 11 metres degrà a n aversarie che a tocià l balon co la man te area de rigor, che Patrizio Deville fala ma su la rebatuda rua Matteo Lorenz de Jan che l met l balon jun som al sach do aer tocià l remenat a dreta del portier de ciasa. Co l jir di menuc la endesfida la se jia soraldut tel mez del ciamp. Sul mez del prum temp rua n autra ocajion par i bec arcedè da mister Cigolla semper con Matteo Lorenz de Jan che proan a met n balon tel mez de l area l ciapa l remenat aut col portier primierot che no rua sul balon. Pasa i menuc e le i parogn de ciasa che proa a drezar la partida ma zenza dar gros cruzies a la defendura fasciana. Te la seconda part de la endesfida part miec i parogn de ciasa che ten miec l ciamp e i schicià te l so mez de ciamp i joegn fascegn che fas fadia a vegnir fora da sia zona defensiva.do 10 menuc podesa ruar l 2 a 0 fascian con Samuele Ruggero che da tanche ite l area de rigor no l brinca l usc. Al cart de ora rua l gol dal 1 a 1 co na trata da i 20 metres che Simone Rasom de Rajum no le bon de parar. pasa i menuc e le i primieroc a risciar l gol dal 2 a 1 dant con a trata da tanche ite l area de rigor che ven parada da l portier fascian e do da na trata vegnuda fora te n revedoz te area fasciana che ven salvà su la linea de usc da Gianni Riz de Peta. A cinch menuc da la fin di 90 menuc rua l ocajion che dezide la endesfida con a trata da cet da i 30 metres de Matteo Lorenz de Jan che fenesc te sach do na deviazion de n defensor primierot. I ultimes menuc i patrogn de ciasa proa a se petar inant par traor l gol dal 2 a 2 ma zenza l traoar. Adulti menut rua l terzo gol fascian co n azion de contropè, Alessandro Crepaz ciapa l balon i lo pasa a Patrizio Deville de Bronza che tedant al portier de ciasa l met l balon jun som al sach. Na venta che das fiduzia ai fascegn do n scomenz mingol stentà i ritroa i 3 ponc che i proarà endò a ciapar n domenia al Cotura da le 4 contra l Val di Cembra.
Tel fin de setemana la juniores a endò venciù tel tornoi FIGC contra l Telve par 3 a 1 con n gol a ciaf de Michele Zulian, Michael Biloni e Soufiane Bouckrik, i giovanissimes a venciù par 3 a 1 contra l Solteri San Giorgio con goi de Michael Prinoth, Maicol Sommavilla e Sami Said, i esordienc A a perdù par 3 a 1 contra l Levico Terme e i esordienc B a venciù par 3 a 0 contra l Cristo Re B
Pierpaolo Rasom
Simone Rasom, Alessandro Soraru(dal 34’st Sebastian Cassan), Alessandro Rasom, Gabriele Riz(dal 25’st Michele Petrone), Giovanni Deflorian, Luca Trottner, Massimo Lorenz(dal 1’st Alessandro Crepaz), Matteo Lorenz(dal 41’st Lorenzo Riz), Samuele Ruggero(dal 15’st Gianni Riz), Matteo Bernard, Patrizio Deville. All. Luciano Cigolla
PRIMIERO – FASSA 19 MARZO 2023
