L Fascia balon chesta setemèna no è stat bon de dèr continuità a la venta de setemèna passèda e a cognù laser al Primier i 3 ponts con n 3 a 1 finèl. Tel prum temp è partì miec i bec de mister Chelodi che do n par de menuc dal scomenz de la partida a ciapà l remenant a dreta del portier primierot, però a passèr n vantac è stat l primier co na trata da i 11 metres do n fal de man de Deflorian. Pasa amò n cart de ora l l primier peta ndò l balon te la porta fascena con na trata de cef. Dant che l diretor de la endesfida sigolase doi oute Sebastiano Rasom l fasc l gol che a riavert la speranzes dei fascegn. Tel l secondo temp i joegn capitanè da Matteo LOrenz a proà a drezèr del dut la endesfida ma do n cart de ora i a ciapà l terzo gol dal Primier. I fascegn pech do aessa l’ocajion par meter n discusion l resutat finèl ma la trata de Patrick Cincelli le stata petèda fora su la linea da n jiador del Primier. No ge volea chesta desfata ma i bec de pres Ghetta i proerà sul ciamp de cèsa a miorèr la classifica, che a chest moment i li veit penultimes, contra l’Ischia da meses les trei.
Le partide de la schedrès mendres le state rinviède dute. Chesta setemèna la juniores jièra contra l’Ischia a Ischia de Perjen da les 5 da sera de sabeda 16 November, i arleves jièra n domenia 17 November da meses les 11 a Vigolo Vattaro contra la Vigolana, i giovanissimes jierà n cèsa contra l Sopramonte da les 6 da sera ai 16 de November, i esordienc “A” jièrà semper sabeda ai 16 de november contra l Fiemme da les 4 e i esordienc “B” jierà n domenia 17 november da meses les 11 a Cianacei contra l valcembra
Pierpaolo Rasom
Colusso Alessandro, Rasom Lorenzo, Riz Gianni (dal 20’st Toma Nicolas), Melecci Riccardo (dal 30’st Rasom Alessandro), Deflorian Giovanni, Cincelli Patrick, Lorenz Matteo, Ruggiero Samuele (dal 15’st Riz Gabriele), Rasom Sebastiano, Lorenz Massimo (dal 1’st Kola Pietro), Deville Patrizio