Quarta venta una do l autra par l Fascia Balon che n domenia a venciù contra l Predaia par 1 a 0. Ti prumes menuc le l ciamp che a la miec sui 22 jiadores che no i e bogn de crear ocajions ajachele doi defendure le bone de no conzeder trate pericolose. La endesfida la taca a se animar envers la fin del prum temp canche un defensor de ciasa ciapa ros par n fal de reazion e i nones con jiar de 10. Someasa che i prumes carantacinche menuc fenese 0 a 0 a a l ultim menut rua l gol fascian con Alessandro Crepaz, l clas 2003 da Reba desfruta n passaje peigher del defensor nones envers l so portier, l ciapa l balon e l sauta l portier e l met l balon jun som al sach. Te la seconda part de la endesfida part miec l Predaia che cer de troar l gol de pareje ma Deflorian de compagnes se defen ben zenza che rue cruzies da le man de Simone Rasom. Col jir di menuc i parogn de ciasa seghita a proar a far l gol de l 1 a 1 ma te l unica grana ocajion con a trata da ite l area de rigor che l joegn portier fascian le bogn de parar. ti ultimes menuc no rua ocajion da nonzech e la endesfida fenesc co la venta par i bec de Mister Cigolla. Na venta suada ma meritada par i joegn de pres Ghetta che enceben na grana prestazion sul pian de jech i e stac bogn de portar i 3 ponc a ciasa. Chesta domenia i proaarà endo a fenir con a venta l giron de jita contra l Primier al Cotura da mese le 2 se l temp ge darà l met.
Te l fin de setemana la Juniores a venciù contra l Fiem par 4 a 1 con 2 goi de Michael Biloni e n gol par om de Claudio Iori e Sebastian Cassan, i Arleeves a perdù par 4 a 3 contra l Audace con 2 goi de Sami Said e un de Simone Zanoner e i giovannissimes a perdù par 6 a 1 contra la Benacense con gol de Nicolas Rasom
Pierpaolo Rasom
Simone Rasom, Gianni Riz, Alessandro Rasom, Matteo Lorenz(dal 28’ pt Matteo Bernard), Giovanni Deflorian, Davide De Pellegrini, Samuele Ruggero(dal 44’st Gabriele Zacchia), Michele Petrone(dal 45’st Lorenzo Riz), Sebastiano Rasom, Alessandro Crepaz(dal 35’st Michele Zulian), Patrizio Deville(dal 40’st Gabriele Riz). All. Luciano Cigolla
PREDAIA – FASSA 26 NOVEMBRE 2023
