PINE’ – FASSA 2 APRILE 2023

Fenesc 0 a 0 la partida anter l Fascia Balon e l Pinè. Taca sobito ben i bec arcedè da mister Cigolla che do 2 menuc i met l balon tel sach con Luca Trottner de Dur ma l gol ven anulà par “fuorigioco”. Do chesta azion Trottner e compagnes i seghita a dar cruzies a la defendura pinaitera dant con Patrizo Deville che te dant portier i ge la tira ados, do con l capitan Luca Trottner che no le bon de dar forza a la trat da ite l area de rigor. Pasa i menuc e i joegn ladins i fasc la partida e i parogn de ciasa i pel demò se defener. Sul mez del temp i bec de pres Ghetta i proa a far l gol ma la trata da cet de Patrizio Deville de Bronza fenes pech sora l remanat aut. Te la seconda part de la endesfida i parogn de ciasa se deseida e fas più jech che i fascegn zenza dar cruzies a la defendura fasciana. La pruma ocajion de l secondo temp rua su i pie de Alessandro Rasom de Onz che te dant portier no le bon de ciapar l speie da l usc degra n a zopa che a fat uzar l balon. Col jir di menuc le doi squadre se slogia e rua più ocajions ma zenza che l balon rue jun som al sach. Ti ultimes menuc rua la pruma ocajion par l Pinè co l atacant che te dant al portier fascian Simone Rasom de Rajum i ge la peta ados. Ti ultimes menuc rua ence n ocajion fasciana con Matteo Lorenz de Jan che da tanche fora l area de rigor brinca l remenat a la cencia de portier de ciasa. N pont che no con far destrameter i joegn fascegn che proarà a ciapar endò i trei ponc n lunesc ai 10 de Oril contra l Invicta Duomo da le 4 domarena al Cotura
Tel fin de setemana la Juniores a venciù par 9 a 4 contra l Porfido Albian con 2 gol a ciaf par Michael Biloni e Davide Riz e n gol par om par Soufiane Bouchrik, Erik Costa, Thomas Bonelli, Jacopo Viola Tommaso Zulian, i Arleeves a venciù par 3 a 1 contra l Alta Valsugana co 2 goi de Adil Bouchrik e 1 de Daniel Chiocchetti, i giovanissimes a perdù par 1 a 0 contra l Cristo Re, i esordienc “A” a venciù par 4 a 2 contra l Val di Cembra, i esordienc “B” a venciù par 4 a 0 contra l Solteri, i ponjins “B” a venciù par 2 a 1 contra l Fiem “D” e i ponjins “C” a perdù par 3 a 1 contra l Fiem “B”.
Pierpaolo Rasom
Simone Rasom, Alessandro Soraru, Alessandro Rasom, Matteo Lorenz, Giovanni Deflorian, Luca Trrottner, Alessandro Crepaz(dal 33’st Gianni Riz), Matteo Bernard(dal 23’st Michele Petrone), Sebastiano Rasom, Gabriele Riz(dal 15’st Samuele Ruggero), Patrizio Deville. All. Luciano Cigolla