Fenesc co na venta contra l Perjen l giron de jita par l Fascia Balon che doventa ence campiogn d’invern. La endesfida taca miec par i bec de Mister Cigolla che do 8 menuc ge dasc l prum cruzie a la defendura de ciasa, ajache se jia a Perjen per l inversion de ciamp, con Samuele Ruggero che roba l balon al defensor valsuganot , i ge la passa a Massimo Lorenz che però no brinca l usc. Pasa pec menuc e le i parogn de ciasa che das n cruzie a la defendura ladina co na trata da ite l area de rigor che Simone Rasom de Rajum le bon de parar. Col jir di menuc le doi squadre jia tel mez del ciamp zenza che una de le doi le rue a pervaler su l autra. Sul mez dal temp rua n autra ocajion par Trottner e compagnes con Gabriele Riz de Janoto che te dant portier no le bon de meter jun som al sach l balon. Do chesta ocajin l prum temp fenesc co na partida jiada muie sul pian fisich e no se crea più ocajions da nonzech. Te la seconda part de la endesfida la musega no cambia con le doi squadre che no le bone de crear ocajions e se jia muie te l mez dal ciamp con i jiadores de ciasa che taca a se enervosir e taca a dar peade a i bec de Pres. Ghetta. A 20 menuc da la fin rua na grana ocajion par i parogn de ciasa con a trata de ciaf che Simone Rasom para. Pasa doi menuc e le i fascegn che i a na gran ocajion per passar inant ma la trata de Samuele Ruggero la e ben parada dal portier de ciasa. Somea na partida da 0 a 0 ma al 90’ rua l gol de la venta, Massimo Lorenz de Meca ciapa l balon sul mez dal ciamp, i ge la passa a Gabriele Riz che i ge la ripasa a Massimo Lorenz che i la passa a Patrizio Deville de Bronza che l controlla l balon e co n autentic passaje “capolavoro” l met te usc Alessandro Crepaz, l clas 2003 da Rèba l controlla l balon e l met te sach l balon de la venta. Na bela venta par l Fascia Balon che sera la pruma part de l campionat al prum post. N ringraziament a i muie fans ruè da Fascia che a spent i joegn fascegn a la venta. ades rua la paussa d’invern e l campionat l ritacherà ai prumes de Marz.
Te l fin de setemana a jià demò i giovanissimes che a venciù par 3 a 0 contra l Telve con 2 goi de Sami Said e 1 de Simone Zanoner e i esordienc “A” che a pareja par 3 a 3 contra la Dolomitica “B”.
Pierpaolo Rasom
Simone Rasom, Michele Petrone, Alessandro Rasom, Gabriele Riz, Giovanni Deflorian, Luca Trottner, Massimo Lorenz, Matteo Bernard(dal 33’ st Alessandro Sorarù), Sebastiano Rasom, Samuele Ruggero(dal 42’st Alessandro Crepaz), Patrizio Deville(dal 46’st Gabriele Zacchia). All. Luciano Cigolla
PERGINE – FASSA 27 NOVEMBRE 2022
