Rua la pruma venta par l Fascia arcedà da mister Cigolla che n domenia a venciù contra l Paganella par 3 a 1. Taca sobito ben i fascegn che do 2 menuc passa n vantac con Massimo Lorenz che met l balon jun som al sach do na gran azion de “contropiede”. No dura trop l vantac fascian che do 2 menuc i ven arjonc con na trata dal cianton che è ruada dreta te usc. Trottner e compagnes no se peta ju e i ritaca a atacar par jir endò inant tel punteggio e i sforc i ven desfrutè endò con Massimo Lorenz che met te usc na rebatuda burta del portier. Te la seconda part de la endesfida i fascegn seghita a atacar e do 10 menuc rua l terzo gol de Samuele Ruggiero con l colp de ciaf da doi pas da l usc. Mingol do l Paganella resta de 10 e i bec fascegn cer de serar la partida ma te do i riscia de ciapar l gol ma co na gran parada del portier fascian l punteggio resta sul 3 a 1. I bec de mister Cigolla podesa far l quarto gol ma zenza eser bogn de petar te usc l balon. N domenia che ven i fascegn proara a seghitar co n autra venta contra l Primier da mese le 4.
Te l fin de setemana la juniores a perdù par 1 a 0 contra l Porfido Albian, i Arleeves a venciù par 3 a 2 contra la Dolasiana con goi de Samuel Casari, Tommaso Zulian e Diego Platter, i giovanissimes a perdù par 7 a 0 contra la Dolomitica, i esordienc “A” a perdù par 7 a 4 contra l Civezzan, i esordienc “B” a venciù par 5 a 3 contra l Verla e i pulcini “A” a vent par 9 a 3 contra l Fiem “B”.
Pierpaolo Rasom
Formazion: Alessandro Colusso, Patrick Cincelli, Tommaso Gloder,Matteo Lorenz, Giovanni Deflorian, Luca Trottner(dal 40’st Pierpaolo Rasom),Massimo Lorenz (dal 35’st Dennis Rasom), Michele Petrone, Gabriele Riz(dal 30’pt Matteo Bernard), Samuele Ruggiero(dal 30’st Mirko Barcatta), Patrizio Deville(dal 33’pt Alessandro Sorarù)
PAGANELLA – FASSA 26 SETTEMBRE 2021
