ORTIGARALEFRE – FASSA 11 OTTOBRE 2020

No seghita l moment positif del Fascia balon che sul ciamp de Villa Agnedo la perdù par 3 a 1 contra l’Ortigaralefre. La endesfida la scomenza con n par de trate de i fascegn ma zenza crear problemes al portier de ciasa, con l passar dei menuc i parogn de ciasa à tacà a schiciar te so mez dal ciamp i joegn fascegn e a 10 menuc da la fin del prum temp i e stac bogn de passar inant co na trata da tanche ite l’area de rigor. Te la seconda part Trottner e compagnes a tacà a spenjer per segnar l pont de la parità che l rua do n cart de ora dal scomenz de la seconda part con Massimo Lorenz che le bon de segnar de gra a l’assist de Michele Petrone. I bec de mister Chelodi a seghità a atacar par passar n vantac con par de trate da da ite l’area de rigor ma zenza esit e a 10 menuc da la fin rua la befa co na gran azion de un de parogn de ciasa che no a metù jun som al sach la bala da la venta. I fascegn a proa a la riciapar ma i a lasa bujes e a pech da la fin i a ciapà l terzo gol che a dat la venta definitiva a l’Origaralefre. Nia da far par l Fascia balon che proarà a se rifar n sabeda ai 17 de otober da mese le 9 sa sera contra l’Alta Anaunia
Par tanc che rivarda la schedre mendres la Juniores a perdù contra l’Oltrefersina par 3 a 2 con 2 gol de Enrico Bernard, i Arleves a rinvià la partida, i Giovanissimes a venjù l derby conta l Fiem par 3 a 2 con 3 gol de Diego Platter, i esordienc “A” a pareja 3 a 3 contra l Pinè e i esordienc “B” a pareja 2 a 2 contra la Vipo Trento. Chesta setemana la Juniores la pausa, i Arleves i jierà l derby contra l Fiem n sabeda 17 da mese le 4 a Masi de Ciavaleis, i giovanissimes jierà n domenia 18 contra l’Azzurra da mese le 11 a Sen Jan, i esordienc “A” jierà contra l Fiem “A” da mese le 11 a Molina de Fiem e i esordienc “B” jierà contra l Fiem “B” ta Cianacei da mese le 11 n domenia 18.
Rasom Pierpaolo
Colusso Alessandro, Riz Gianni (dal 1’st Rasom Lorenzo), Cincelli Patrick, Löwe Gregor (dal 35’st Gloder Tommaso), Deflorian Giovanni, Trottner Luca, Riz Gabriele (dal 40’st Rasom Alessandro), Petrone Michele (dal 30’st Lorenz Matteo), Rasom Sebastiano (dal 25’st Bernard Matteo), Deville Patrizio, Lorenz Massimo