Rua autres 3 ponc al ombria de sas da le doudes ajache l Fascia Balon a venciù contra l Mezzocorona. Taca sobito ben Trottner e compagnes che do n menut i passa inant con Massimo Lorenz de Meca che profita de n n fal de la defendura de ciasa, l met l balon te mez a l area de rigor che rua ti pie de Patrizio Deville de Bronzache che met l balon jun som al sach. Passa 5 menuc e le endò i fascegn che segna semper con l clas 97 de Moena che met l balon te sach a porta veta degra a n auter assist de Massimo Lorenz. Col jir di menuc i parogn de ciasa se deseida e cer de drezar la endesfida ma zenza crear problemes a la defendura ladina fin a la mesora de l prum temp canche ven dat n rigor ai tretins che Simone Rasom de Rajum no le bon de parar. Sul fenir de la pruma frazion de jech rua l terzon gol fascian con Massimo Lorenz che l desfruta n fal del portier de ciasa e l met l balon te sach. Te la seconda part de la endesfida i parogn de ciasa proa a se petar inant a cerir l gol par riaverjer la partida ma zenza crear de gregn cruzies ai bec de mister Cigolla. La partida seghita e le i fascegn che riscia de far l gol con dotrei contropie che par l imprecision de i atacanc fascegn no i e stac bogn de serar a chiaf la partida. Na bela venta par i bec de pres Ghetta che se porta al 5 post de l campionat e proarà a se portar a ciasa i 3 ponc contra l Audace al Cotura n domenia da le 3.
Tel fin de setemana la juniores a perdù par 5 a 0 contra l Aquila Trent e i giovanissimes a perdù par 2 a 0 contra l Aquila Trent.
Pierpaolo Rasom
Simone Rasom, Gianni Riz, Davide De Pellegrini, Matteo Lorenz(dal 40’ pt Matteo Bernard), Giovanni Deflorian, Luca Trottner, Massimo Lorenz(dal 45’st Erik Costa), Michele Petrone(dal 20’ st Gabriele Riz), Sebastiano Rasom, Samuele Ruggero(dal 28’st Sami Said), Patrizio Deville(dal 35’st Lorenzo Riz). All. Luciano Cigolla
MEZZOCORONA – FASSA 10 MARZO 2024
