Zacan rua i trei ponc par l Fascia balon che a derenà l Mattarello. Taca benon i joegn fascegn che do 3 menuc i pasa n vantac ajache Patrizio Deville de Bronza ven petà ju te area de rigor, par l diretor de la endesfida le rigor che Samuele Ruggero no fala. Pasa 10 menuc e Deflorian e compagnes met l balon endò te sach do na bela “rimessa laterale” de Alessadro Rasom de Onz ceh rua a Massimo Lorenz de Meca che da doi pas no l fala. I fascegn i e parogn del ciamp e i seghita a atacar zenza che i aversaries podese far zeche e do n par de menuc rua l terzo gol fascian con Samuele Ruggero, l joen moenat met l balon te do l portier de ciasa do n bel assist de Michele Petrone del Pat. I parogn de ciasa fas fadia e i bec arcedè da mister Cigolla podesa far n auter gol ma enceben le muie ocajions no i e bogn de petar l balon te usc. Ti secondi carantacinch la musega no muda con i fascegn che fas l jech e i trentinoc che con se defener ma i joegn fascegn no i e bogn de far l gol del 4 a 0 che rua a n cart de ora da la fin con Massimo Lorenz che troa n gran gol con a trata da i 25 metres. pasa 5 menuc e rua ence n ocajion par i parogn de ciasa con a trata da tanche ite l area de rigor che l joen Simone Rasom de Rajum le bon de parar con a bela parada. Bela venta par i bec de pres Ghetta che i proaarà a portar a ciasa i 3 ponc contra l Mezzocorona n domenia da mese le 4 al Cotura
Te l fin de setemana a tacà a jiar ence le squadre mendre con la juniores che a perdù par 3 a 1 contra l Aquila Trento con gol de Sebastian Cinzol, i giovanissimes a venciù par 6 a 2 contra la Dolasiana con 3 goi de Alexander Weiss e n gol a ciaf par Nicolas Rasom, Andrea Pezzei e Davide CInzol e i ponjins “B” a venjù contra l Fiem “B” par 3 a 1
Pierpaolo Rasom
Simone Rasom, Alessandro Rasom, Davide De Pellegrini(dal 18’ st Gianni Riz), Matteo Lorenz, Giovanni Deflorian, Giacomo Deflorian, Massimo Lorenz(dal 31’st Gregor Löwe), Michele Petrone, Samuele Ruggero(dal 36’st Lorenzo Riz), Matteo Bernard(dal 12’st Gabriele Riz), Patrizio Deville(dal 22’st Michele Zulian). All. Luciano Cigolla
MATTARELLO – FASSA 17 SETTEMBRE 2023
