Rua endodanef i 3 ponc par l Fascia Balon ajache i fascegn a venciù contra la Virtus Trent. Part miec i fascegn che do 12 menuc i troa l gol da 1 a 0 con Massimo Lorenz de Meca che con a bela azion personala l met l balon jun som al sach. Pec menuc do podessa ruar ence l secondo gol fascian ma la trata dai 20 metres de Massimo Lorenz ciapa la crojada di pai. Col jir di menuc Deflorian e compagnes taca a se rilassar e i ghesc i proa a drezar la endesfida con a trata da cet che però, degrà na gran parada de Simone Rasom de Rajum, no la se tramuda n gol. Te la seconda part de la endesfida le i bec arcedè da mister Cigolla che spenc par troar l gol del 2 a 0 che rua al 15 menut con Samuele Ruggero che desfruta n bel passaje de Patrizio Deville de Bronza e met te sach l balon. Passa pech temp e i ladins fas ence l terzo gol con Massimo Lorenz che co na trata da fora da l area che fenes apede l remenat a dreta del portier trentinot. A 10 menuc da la fin rua l gol ghest con a trata da i 20 metres che fenesc te usc. Doi menuc do rua l quarto gol fascian con Michele Zulian, l clas 2004 do na bela azion de squadra l rua te area e l met l balon te sach. Na bela venta par i bec de Pres. Ghetta che n domenia proarà endò a portar i 3 ponc ai pie de sas da le doudes contra la Vigolana al Cotura da mese le 4.
Tel fin de setemana i Arleeves a perdù par 2 a 1 contra l Alta Anaunia con gol de Sami Said, i giovanissimes a venciù par 7 a 2 con l Sopramonte con 3 goi de Alexander Weiss e 2 goi par om de Federico Obino e Nicolas Rasom, i ponjins “C” a perdù par 4 a 0 contra l Fiem “D” e i ponjins “B” a venciù par 4 a 0 contra l Fiem “C”
Pierpaolo Rasom
Simone Rasom, Gianni Riz(dal 25’st Davide De Pellegrini), Alessandro Rasom(dal 36’st Pierpaolo Rasom), Matteo Lorenz(dal 20’st Sebastian Cassan), Giovanni Deflorian, Giacomo Deflorian, Massimo Lorenz(dal 32’st Michele Zulian), Michele Petrone(dal 40’st Tommaso Gloder), Sebastiano Rasom, Samuele Ruggero, Patrizio Deville. All. Luciano Cigolla
FASSA – VIRTUS TRENTO 28 APRILE 2024
