N auter pont par l Fascia Balon degrà l pareje madurà contra la Vigolana. Taca miec Trottner e compagnes che do 19 menuc i passa inant con Massimo Lorenz de Meca che, ben servì da Matteo Lortenz de Jan, l met l balon jun som alsach con a trata da tanche ite l area de rigor. Passa 5 menuc e i joegn fascegn fas l 2 a 0 con Patrzio Deville de Bronza che met l balon te sach con a trata de ciaf do n bel asssist de Michele Petrone del Pat. Ti secondi carantacinch menuc le i ghesc che part miec de o 5 menuc i fas l gol dal 2 a 1 co na trata dal cianton che metuda te sach da n colp de ciaf. Do aer ciapà l gol i bec arcedè da mister Cigolla i se spert e i cer de se defener ma a n cart de ora da la fin rua l gol ghest co na trata dai 20 metres che fenes te do Leonardo Deflorian Felix. Col passar di menuc i ladins taca endò a atacar e al 85’ rua l gol fascian con Massimo Lorenz che da pec pas met l balon te sach. Someaasa fenida la partida ma doi menuc più tart rua l 3 gol ghest con a trata de ciaf che fenes te sach. ti ultimes menuc podessa ruar l quarto gol ghest ma l portier fascian le bon de vencer l 1 contro 1 co l atacant valsuganot. N pont che no con far destrameter i bec de pres Ghetta che i proaarà endo a portar a ciasa i 3 ponc a Cavareno contra l Alta Anaunia da mese le 4.
Tel fin de setemana la Juniores a venciù par 6 a 2 contra l Ortigaralefre con 3 goi de Sami Said e n gol par om de Erik Costa, Adil Bouckrik e Daniel Chiocchetti, i Esordienc “A” a perdù par 3 a 1 contra l Fiem “A”, i esordienc “B” a perdù par 4 a 0 contra l Telve “B”, i ponjins “B” a venciù par 4 a 2 contra l Fiem “E” e i ponjins “C” a perdù par 4 a 1 contra la Dolomitica.
Pierpaolo Rasom
Leonardo Deflorian, Gianni Riz(dal 35’st Davide De Pellegrini), Alessandro Rasom, Matteo Lorenz, Giovanni Deflorian, Luca Trottner, Massimo Lorenz, Michele Petrone(dal 40’ st Michele Zulian), Sebastiano Rasom(dal 30’st Sebastian Cassan), Samuele Ruggero(dal 20’ st Gabriele Riz), Patrizio Deville(dal 25’st Sami Said). All. Luciano Cigolla
FASSA – VIGOLANA 5 MAGGIO 2024
