Nia da far chesta outa par l Fascia Balon che à perdù contra la Vigolana. Ti prumes menuc part miec i bec de mister Capovilla e do 2 menuc rua la pruma ocajion con Erik Costa Parolot che te dant al portier no le bon de meter l balon te sach. pasa autres 2 menuc e rua n autra grana ocajion par i fascegn con Luca Trottner de Dur che no le bon de deviar te usc n cross de Erik Costa. I fascegn jia ben e rua n autra ocajion con l clas 2003 de Rèba, Alessandro Crepaz che da 2 pas l ge a tirà ados al portier. Col jir di menuc ven fora i ghesc e al mez del temp rua l gol co na trata da cet che fenes tal set. Ti secondi caracntacinch menuc part miec i ghesc co n par de trate da fora parade da Simone Rasom de Rajum. col jir di menuc Trottner e compagnes proa a drezar la endesfida dant co la trata dai 20 metres de Emiliano Cinzol dal Ef che fenes sul remenat aut e do co la trata da cet de Massimo Lorenz de Meca che trefa endò l remanat aut. A 10 menuc da la fin rua n autra gran ocajion par i ladins co la trata de Massimo Lorenz che ven deviada dal portier ghest, su la rebatuda rua endò Massimo Lorenz che no le bon de meter l balon te sach. Na desfata che sa de agher par i bec de pres Trottner che no i e stac bogn de desfrutar le tante ocajions abude ma no i con se destrameter e i proaarà a portar ai pie de Sas da le Doudes i 3 ponc contra l Alta Anaunia no domenia da mese le 4 a Ronzone.
Tel fin de setemana la seconda squadra a perdù contra la Cauriol degrà i fal de la defendura fasciana par 3 a 2 con 2 goi de Michael Biloni, la juniores a venciù par 5 a 0 ocntra l Audace con 2 goi de Michael Prinoth e un par om de Simone Zanoner, Omar Defrancesco e Alexander Weiss, i Arleeves a perdù par 6 a 2 contra la Dolasiana con goi de Federico Obino e Nicolas Rasom, i esordienc “A” a perdù par 3 a 2 contra l Val di Cembra, i esordienc “B” a perdù par 4 a 2 contra l Perjen “B”, i ponjins “A” a venciù contra l FIem “B” par 3 a 2 e i ponjins “B” a perdù par 4 a 2 contra l Fiem “D”.
Pierpaolo Rasom
Simone Rasom, Gianni Riz, Tommaso Gloder, Matteo Bernard(dal 28’st Adil Bouchrik), Tomas Ngresi(dal 13’st Emiliano Cinzol), Luca Trottner, Erik Costa(dal 13’st Massimo Lorenz), Gabriele Riz(dal 22’st Michele Petrone), Sebastiano Rasom, Alessandro Crepaz(dal 35’st Michele Zulian), Patrizio Deville. All. Alessandro Capovilla
FASSA – VIGOLANA 28 SETTEMBRE 2025
