Seghita l moment positiv par l Fascia Balon che n domenia a venciù l engrada endesfida contra l Val de Cembra. Part miec Trottner e compagnes che do doi menuc i pasa n vantac con Michele Petrone del Pat che i la pasa a Samuele Ruggero che proa la trata da tanche fora l area de rigor che fenesc te sach degra la “papera” del portier ghest. I ghesc no ge stas e i proa sobito a drezar la partida e do 5 menuc i e bogn de meter l balon te do Simone Rasom co na trata de ciaf. Pasa 2 menuc e le i joegn fascegn che va vejin al 2 a 1 con Samuele Ruggero che con a trata da cet da i 20 metres l chiama a la gran parada al portier ghest. Do chest scomenz pien de ocajion la partida se chieta e se jia muie tel mez de ciamp. Al mez del temp rua n ocajion par i ghesc che ven parada zenza problemes da Simone Rasom de Rajum. Pech do rua n ocajion par i bec de mister Cigolla con Matteo Lorenz de Jan che da tanche fora l area de rigor no l brinca l usc. te la seconda part de la endesfida la scomenza con l ciamp bianch degrà na fiocada tacada te anter i doi tempes. Col passar di menuc e muie fai de passages rua la pruma ocajion del temp con l atacant ghest che te dant al portier fascian no le bon de brincar l usc. do chesta sparduda i bec de pres Ghetta i taca endò a jiar e al mez del temp rua na grana ocajion co la trata dal cianton de Samuele Ruggero che la rua dreta sul ciaf de Gabirele Riz che no le bon de la meter te sach. Pasa i menuc e somea che l ciamp abie la meio su le doi squadre ma al 92° menut rua l gol de la venta, trata da i 25 metres de Sebastiano Rasom de Gotart che met l balon tel mez de l area de rigor, Matteo Lorenz i la brinca de ciaf e l balon rua su i pie a Gianni Riz Peta che da doi pas no l fala. Na venta ruada a l ultim che das gaissa a i joegn fascegn che i proaarà a troar endò i 3 ponc contra l Pinè n domenia da le 4 a Bedollo.
Te l fin de setemana i juniores a perdù la partida del tornoi FIGC contra l Primier par 4 a 1 con gol de Claudio Iori, i giovanissimes a venciù par 5 a 3 contra l Roncegno con 2 goi de Sami Said e n gol a ciaf par Simone Zanoner, Alex Alvarez Iori e Michael Prinoth, i esordienc “A” a venciù par 3 a 0 contra l Pinè e i esordienc “B” a venciù 3 a 1 contra l Fiem B.
Pierpaolo Rasom
Simone Rasom, Alessandro Soraru, Alessandro Rasom, Matteo Lorenz, Giovanni Deflorian, Luca Trottner, Alessandro Crepaz(dal 1’st Gabriele Riz), Michele Petrone(dal 32’st Matteo Bernard), Sebastiano Rasom, Samuele Ruggero(dal 25’st Gianni Riz), Patrizio Deville(dal 40’st Soufiane Bouckrik). All. Luciano Cigolla
FASSA – VAL DI CEMBRA 26 MARZO 2023
