N auter pont par l Fascia balon che n domenia a pareja par 2 a 2 contra l Tesino. Taca benon Trottner e compagnes che do 25 secondi i e bogn de passar inant con Samuele Ruggero che desfruta n bel cross de Massimo Lorenz de Meca e l met l balon te sach. Pasa 5 menuc e le i ghesc che dreza la endesfida co na trata da tanche fora l area de rigor che tocia l remenat a la dreta del portier fascian e fenesc te usc. col jir di menuc i bec de mister Cigolla i taca a no jiar dalvers e i ghesc seghita a ciapar semper più ciamp e a dar cruzies a la defendura fasciana che de gra a n par de bele parade de Simone Rasom de Rajum no i ciapa l secondo goi. A cinch menuc da la fin de l prum temp se fas veder endò i joegn fascegn che fasc l gol dal 2 a 1 , gran azion tacada dal portier che i la pasa a Gianni Riz Peta che sauta n aversarie, i la pasa a Matteo Lorenz de Jan che l ge pasa a so outa l balon al joen moenat Samuele Ruggero che sauta doi omegn l met l balon te mesa area olache rua Gianni Riz che peta l balon jun som al sach. Ti secondi 45 menuc de la endesfida le i fascegn che proa a serar la partida ma zenza esser bogn de far fenir l balon te do l portier ghest. Pasa 15 menuc e i valsuganoc pareja con n gol de la domenia de sie numer nef che da i 25 metres troa la trata che fenes tal set. I bec de pres Ghetta no i se despera e i proa sobito a far l terzo gol ma zenza esser bogn enceben n par de grane ocajion che i ladins no i e stac bogn de desfrutar. Te l ultim cart de ora i fascegn se a peta inant e al 90’ rua na gran ocajion par i joegn fascegn co la trata da cet dai 20 metres de Samuele Ruggero che ciapa l remenat a man dreta del portier. N pont che no con far destrameter i fenc fascegn che n domenia proaarà a portar a ciasa i 3 ponc contra l Mattarello Calcio a Mattarel da mese le 4 n domenia
Pierpaolo Rasom
Simone Rasom, Gianni Riz(dal 30’st Gregor Löwe), Alessandro Rasom, Matteo Lorenz(dal 1’ st Gabriele Riz), Giovanni Deflorian, Luca Trottner, Massimo Lorenz, Michele Petrone(dal 38’ st Sebastian Cassan), Sebastiano Rasom(dal 25’ st Matteo Bernard), Samuele Ruggero, Patrizio Deville(dal 30’ st Alessandro Crepaz). All. Luciano Cigolla
FASSA – TESINO 10 SETTEMBRE 2023
