No taca tel mior di mec la sajon par l Fascia Balon degrà la desfata contra l Telve. Do aer venciù la pruma partida de “Coppa Trentino” par 3 a 1 contra l Alta Valsugana, i bec de mister Capovilla a jià la pruma partida del campionat de pruma categoria. Ti prumes menuc de la endesfida le i valsuganoc che part miec metan prescion a i ladins che però i e bogn de se defener e no conzeder trop a i aversaries. La pruam ocajion da nonzech la rua al cart de ora co la trata da tanche fora l area de rigor de Matteo Lorenz de Jan che no la brinca par pech l usc. Pasa 10 menuc e le endò Trottner e compagnes a ge dar cruzies a la defendura ghesta co la trata de Matteo Bernnard de Bernardo che l portier ghest para. Envers la fin del prum temp rua na grana ocajion par l Telve ma l atacant no le bon de brincar l usc da pec pas co na trata de ciaf. Ti seocndi carantacinch menuc de la endesfida se con spetar 10 menuc e rua l prum gol ghest co na burta bala perduda n fase de impostazion da i fascegn, l atacant ghest l ringrazia e co na trata da l or de larea de rigor l bat Simone Rasom de Rajum. do aer ciapà gol i bec de pres. Trottner no se destramet e i proa a drezar sobito l endesfida e valche menut do rua l pareje fascian con Patrizio Deville de Bronza che le bon de meter te usc do n bel assist de Sebastiano Rasom de Rajum. Pasa autres 2 menuc e i fascegn a n autra ocajion per passar inant con Michele Petrone del Pat che, degrà na bela parada del portier, no le bon de meter te sach l balon. I ladins i è engaisse e i proa a venjer chesta partida proan te dute le maniere a segnar zenza esser bogn e a 2 menuc da la fin rua docia freida co la trata de ciaf de l atacant ghest che fenes te sach. Ti ultimes menuc i ladins de spenc inant a cerir l gol dal pareje e su l ultima trata dal cianton i porta su ence l portier, però l balon fenes ti pie di ghesc che part n contropè e a porta veta i met ite l 3 a 1. Na desfat con no con demoralizar i bec de pres. Trottner che i proaarà ensema al nef mister Alessandro Capovilla e so staff Gregor Löwe e Francesco Mostallino a portar i prumes trei ponc contra l Ortigaralefre da le 4 n domenia.
Pierpaolo Rasom
Simone Rasom, Gianni Riz, Davide De Pellegrini, Matteo Lorenz(dal 37’pt Gabriele Riz), Emiliano Cinzol(dal 36’st Tomas Ngresi), Luca Trottner, Matteo Bernard, Michele Zulian(dal 9’st Michele Petrone), Sebastiano Rasom, Erik Costa(dal 36’st Alexander Weiss), Patrizio Deville. All. Alessandro Capovilla
FASSA – TELVE 31 AGOSTO 2025
