No fenes tel mior di mec l giron de jita par l Fascia Balon degrà la desfata contra l Primier par 4 a 0 sul ciamp de Egna. Ti prumes menuc taca miec Deflorian e compagnes che proa a dar cruzies a la defendura primierota a al 10’ menut rua la più grana ocajion par i fascegn co na gran azion di fascegn che Michele Petrone del Pat che te dant al portier no le bon de meter l balon te sach. I fascegn proa a jiar ma no i rua mai a tirar te usc e a la pruma aziuon ghesta rua l prum gol primierot co n rigor conzedù par n fal dubieche l joen portier fascian no le bon de parar. Ti secondi carantacinch menuc i bec de mister Cigolla proa a drezar la endesfida co n par de ocajion che la defendura ghesta che la e bona de no ciapar l gol. Col jir di menuc i primieroc resta de 10 ma no i riscia più che trop e a la pruma ocajion i fasc l gol dal 2 a 0 co na trata da pec pas da l usc. I bec de pres Ghetta i se destramet e no i e bogn de crear ocajion e 10 menuc do rua n autra doccia freida co l espulsion de Michele Petrone per n fal che no someaa da ros. Ti ultimes menuc i ladins proa a se petar inant ma zenza esser bogn de riverjer la partida e i ghesc n contropè segnan 2 goi. Burta desfata par i fascegn che no i e stac bogn de jiar a la soa maniera e i a perdù contra na squadra a la soa portada. Ades n meis de ferie dal balon par riciarear le pile per do ricomenzar a se arcedar per cogenza miec che le posibol l giron de retorn che scomenzarà ai 18 de firè.
Pierpaolo Rasom
Simone Rasom, Gianni Riz, Alessandro Rasom, Matteo Lorenz, Giovanni Deflorian(dal 40’st Luca Trottner), Davide De Pellegrini(dal 1’st Giacomo Deflorian), Massimo Lorenz, Michele Petrone, Matteo Bernard(dal 22’st Sebastian Cassan), Alessandro Crepaz(dal 12’st Gabriele Riz), Patrizio Deville(dal 35’st Lorenzo Riz). All. Luciano Cigolla
FASSA – PRIMIERO
