2 ponc par l Fascia balon degrà i doi parejes che le madura n mercol sera contra l Porfido Albiano e n domenia contra l Alta Valsugana. N mercol sera se a jia l turno ite par anter la setemana de campionat contra l Porfido Albiano, ti prumes menuc l i aversaries che jia miec e do n cart de ora i pasa n vantac do na trata da cet che le stata petada te mez a l area de rigor, l portier fascian no le sta bon de petar via l balon e l jiador ghest a metù te sach l balon a porta veta. Col jir di menuc Trottner e compagnes a tacà a jiar ben e crear n muie de ocajions da nonzech ma zenza troar l gol che rua a 10 menuc da la fin de l prum temp con Matteo Lorenz de Jan che met l balon te usc con a trata da ite l area de rigor. L prum temp someasa che fenesce coscita ma d a doi menuc da la fin i bec de mister Cigolla i e bogn de passar inant con Gabriele Riz de Janoto che da pec pas le bon de meter l balon te do l portier ghest. ti secondi carantacinch menuc i joegn fascegn proa a jiar ma le i ghesc che, enceben de 10 ajache le stat petà fora n so jiador, jia miec e i das cruzies a la defendura fascian che proa a se defener e a valch vida i e stac bogn. Somea fata par i joegn de pres Ghetta che però su una de le ultime azion ciapà l gol de pareje con a trata de sgol de l atacant ghest che met l balon vejin al remenat a cencia del portier fascian. n pont che sa mingol de agher par i ladins ajache fin al 90 i era 3. Do chest pareje ruà coscita n domenia i fascegn è jic a Ischia de Perjen contra una de le miore squadre del campionat, l Alta Valsugana. Ti prumes menuc la partida la e muie jiada tel mez dal ciamp ajache l ciamp no l era te le miore condizions. La partida la e tegnicia de emozion e la pruma ocajion la rua envers l 30’ con a trata da Gabriele Riz da tanche fora l area de rigor che fenes sorida te brac al portier valsuganot. Do chesta ocajion rua chela che podesa far passar inant i parogn de ciasa co n bel passaje del numer 3 che met l balon sul secondo pal par l numer 7 che proa la trata da pec pas che però con n “miracolo di puro istinto” l joen portier fascian Simone Rasom de Rajum le bon de no far fenir l balon te sach. Ti secondi carantacinch menuc la musega no muda co la partida che ven jiada tel mez dal ciamp e no rua ocajion, la pruma ocajion rua sul mez dal temp co la trata da i 20 metres de Alessandro Rasom de Onz che no troa l usc par pech e pec menuc do rua na gran ocajion co la trata da cet de Patrizio Deville de Bronza che fas far na gran parada al portier de ciasa. A l ultim menut de partida i parogn de ciasa riscia de far l gol de la venta de gra a n contropè ma sul più bel l atacant te dant usc fascian no le bon de controlar dalvers l balon ajache l ciamp te conzion “pietose”, someaa de jiar te n ciamp de patac, gia fat rimbalzar l balon te dant ai pie e no le stat bon de brincar l usc. n pont suà e merità par i joegn fascegn che n domenia proaarà a portar a ciasa i 3 ponc a Borgo contra la pruma de la clas.
Tel fin de setemana la juniores a venciù par 9 a 0 contra l Roncegno con 2 goi a ciaf par Mattia Roldo, Jacopo Viola e Adil Bouckrik e n gol par om de Michael Biloni, Tommaso Zulian e Tommaso Zanoner, i giovanissimes a venciù par 8 a 4 contra la Dolasiana con 4 goi de Alexander Weiss e doi goi par om de Giovanni Detomas e Andrea Pezzei, i esordienc “B” a perdù par 2 a 1 contra l Alta Valsugana “B”, i ponjins “A” a venciù par 4 a 1 contra l Fiem “B”, i ponjins “B” a venciù par 3 a 1 contra l FIem “C” e i ponjins “D” a venciù par 3 a 0 contra la Dolomitica.
Pierpaolo Rasom
Formazion contra l Porfido Albiano: Simone Rasom, Gianni Riz, Davide De Pellegrini, Matteo Lorenz, Giovanni Deflorian, Luca Trottner, Massimo Lorenz(dal 35’ st Patrick CIncelli), Matteo Bernard(dal 25’ st Sebastian Cassan), Sebastiano Rasom, Gabriele Riz(dal 15’st Michele Zulian), Patrzio Deville (dal 40’st Gabriele Zacchia).
Formazion contra l Alta Valsugana: Simone Rasom, Davide De Pellegrini, Alessandro Rasom, Matteo Lorenz(dal 42’st Sebastian Cassan), Giovanni Deflorian, Luca Trottner, Gianni Riz(dal 33’st Gabriele Zacchia), Gabriele Riz(dal 20’st Lorenzo Riz), Sebastiano Rasom,Samuele Ruggero(dal 30’ pt Patrick Cincelli(dal 40’st Alessandro Crepaz)), Patrizio Deville. All. Luciano Cigolla
FASSA – PORFIDO ALBIANO 18 OTTOBRE 2023 **** ALTA VALSUGANA – FASSA 22 OTTOBRE 2023
