Seghita l moment positif par l Fascia Balon ajache n domenia passada le ruà la venta contra l Pinè. Taca sobito ben i bec de mister Capovilla che do 9 menuc i passa inant co n schema da trata dal ciaton. L nef ruà, l clas 1992 da Rèba, Roberto Del Negro ge passa l balon sul or de l area de rigor a Massimo Lorenz de Meca che l tira e l met l balon te sach. Col jir di menuc la endesfida la se chieta zenza che una de le doi formazion abie la soramesa su l autra. Envers l mez dal temp rua l seocndo gol fascian co n azion de contropè, l balon rua a Alessandro Crepaz che i ge la passa a Massimo Lorenz che rua da soul te dant al portier e no l fala. Do chest gol i ladins a perdù mingol de concentrazion e a lasa n ocajion ai ghesc co na trata da ite l area de rigor che Simone Rasom de Rajum e stat bon de parar. Ti secondi carantacinch menuc le endò Trottner e compagnes che part miec e do 5 menuc rua l terzo gol co na bela azion de squadra, l balon fenes ti pie de Massimo Lorenz che met l balon te area olà rua Michele Petrone che no fala e met l balon te do le spale del potier ghest. Someassa na partida sorida ma i pinaiteres no se destramet e doi menuc do i scurta la distanza co na trata de ciaf che fenes te l usc fascian. Do aer ciapà gol i ladins va mingol n fantia e pec menuc più tart rua l secondo gol del Pinè co na sbalonada che rua ti brac de l portier fiascian che però l va a contrasto co l atacant ghest, l balon resta lo e l atacant segna. N menut più tart suzede n burt fat, i fascegn resta de 10 degrà l espulsion de Tommaso Gloder e i ghesc ge creit ma no rua de gran ocajion e la paetida fenes coscita. Na endesfida da doi muses par i bec de pres. Trottner che si i porta a ciasa i 3 ponc ma i a riscià no pech e no i con aer chis cali de concentrazion e i proaarà a portar endodanef i 3 ponc a ombria de Sas da le Doudes n domenua contra l Perjen a Perjen da mese le 3.
Tel fin de setemana la seconda squadra a perdù par 7 a 2 contra l Montevaccino con goi de Michael Biloni e Mattia Lastei, la juniores a perdù par 5 a 2 contra l Telve con goi de Daniel Chiocchetti e Michael Prinoth, i Arleeves a perdù par 3 a 2 contra l Calisio con goi de Federico Obino e Alessio Detomas, i giovanissimes a venciù contra l Pinè par 5 a 1 con 3 goi de Gabriel Dellantonio e 2 de Tommaso Chiocchetti, i esordienc “A” a perdù par 4 a 1 contra l Porfido Albian, i esordienc “B” a perdù par 4 a 2 contra l Porfido Albian, i ponjins “A” a parejà par 3 a 3 contra l Fiem “D”, i ponjins “B” a venciù par 3 a 1 contra la Monti Pallidi e i ponjins “C” a perdù par 4 a 1 contra la Dolomitica.
Pierpaolo Rasom
Simoner Rasom, Tommaso Gloder, Davide De Pellegrini(dal 25’st Giovanni Deflorian), Matteo Lorenz, Tomas Ngresi(dal 10’st Tommaso Zulian), Luca Trottner, Roberto Del Negro(dal 10’st Sebastiano Rasom), Matteo Bernard, Alessandro Crepaz(dal 10’st Michele Zulian), Michele Petrone, Massimo Lorenz(dal 30’st Patrizio Deville). All. Alessandro Capovilla
FASSA – PINE’ 25 OTTOBRE 2025
