FASSA – PERGINE 3 SETTEMBRE 2023

Taca con n pont l campionat par l Fascia balon ajache la pareja par 1 a 1 contra l Perjen. Ti prumes menuc le l ciamp che a la miec e nesuna de l doi squadre la e bona de dar cruzies a le defendure, mingol miec i joegn fascegn che ten de più l balon ma zenza brincar mai l usc. do trenta menuc rua la pruma ocajion de la endesfida par i ghesc che desfruta n contropè par meter l balon jun som al sach con a trata da tanche fora l area de rigor che l joen portier fascian Simone Rasom de Rajum no le stat bon de ciapar. Do are ciapà l gol Trottner e compagnes proa sobito a drezar l resultat e a cinch menuc da la fin del prum temp rua na grana ocajion co la trata de cet de Sebastiano Rasom de Gotart che fenesc pech dalonc l remenat a la cencia del portier ghest. ti seocndi 45 menuc de la endesfida le i ladins che comana l jech e i valsuganoc che se defen. Passa i menuc e taca a ruar le ocajion par i fascegn co la trata da i 25 metres de Massimo Lorenz de Meca che ciapa “l’incrocio” dei pai. Pasa cinch menuc e rua n autra ocajion par i bec de mister Cigolla co la trata da dalonc de Gianni Riz Peta che brinca l remenat aut. l Fascia jia ben e a vint menuc da la fin rua l gol de 1 a 1 con Massimo Lorenz de Meca che met te sach na trata da i 25 metres. Do l gol i bec de pres Ghetta se engaissa amò de più e i cer de far l gol da la venta ma zenza esser bogn. ti ultime menuc rua na gran ocajion par i fascegn co la trata dal cianton de Massimo Lorenz che rua sul ciaf del nef jiador fascian, Davide De Pellegrini, che proa a petar l balon te usc ma su la linea de usc rua l defensor valsuganot che peta demez l balon. N pont che no con far desperar i joegn fascegn che proarà a portar a ciasa i 3 ponc n domenia da le 4 contra l Tesino semper al Cotura
Pierpaolo Rasom
Simone Rasom, Gianni Riz(dal 24’st Davide De Pellegrini), Alessandro Rasom(dal 45’st Gregor Löwe), Matteo Lorenz, Giovanni Deflorian, Luca Trottner, Massimo Lorenz, Matteo Bernard(dal 6’st Michele Petrone), Sebastiano Rasom(dal 40’st Michele Zulian), Gabriele Riz(dal 6’st Alessandro Crepaz), Patrizio Deville. All. Luciano Cigolla