Gran venta par l Fascia Balon che al Cotura a vent par 5 a 2 contra l Paganella. Ti prumes menuc la endesfida la se jia tel mez dal ciamp. Do n cart de ora rua la pruma ocajion par i ghesc che i podesa passar inant con a trata a doi te area che però fenesc sora l remenat aut. Do chesta ocajion i joegn fascegn taca a jiar e majenar jech. A mez del temp rua la pruma ocajion par i patrogn de ciasa con Patrizio Deville che da pec pas tira ados l portier, pasa pec menuc e Deville proa endò con a trata da cet che però la va pech fora da l usc di ghesc. Somesa na partida “stregata” par Trottner e compagnes che no ie bogn de meter jun som al sach l balon però a n menut da la fin rua l gol tant volù con Michele Petrone che le bon de petar l balon te usc do n “batti e ribatti” te area de rigor. Te la seconda part de la endesfida part miec i bec de Mister Cigolla e do 7 menuc i pasa n do co n gran gol de Matteo Bernard che l met tal set na trata da i 30 metres. I bec de pres Ghetta i se ngaissa e pech do rua l 3 a 0 con Massimo Lorenz chedant scarta n par de aversaries do l tira dant ados l portier ghest che no le bon de tegnir l balon che rua endo al 2004 che aporta veta l segna. I joegn fascegn pech do podesa endò segnar ma degra a na gran prestazion del portier ghest no i passa fin a n cart de ora canche Patrizio Deville con n pallonetto met te usc l quarto gol fascian. Canche mencia 10 menuc i ghesc se fasc veder e te giro de trei menuc ciapà doi rigori che Colusso no e bon de parar. Al 90’ menut rua l quinto gol fascian con Fabio Bernard che met te usc da pec pas do na gran azion de Massimo Lorenz. Bela venta par Trottner e compagnes che proarà a portar a ciasa 3 ponc n domenia contra l Primiero a Mezzano de le 4 .
Tel weekend de balon la Juniores a venciù contra l Oltrefersina par 3 a 2 con goi de Enrico Bernard, Jacopo Sommavilla e Michele Zulian, i Arleeves a perdù par 5 a 1 contra la Vipo Trento “B” con Gol de Adil Bouckric, i giovanissimes a perdù par 6 a 3 contra l Fiem “B” con 2 goi de Nathan Ciocca e un de Sami Said, i esordienc “A” a venciù contra la Dolomitica “A” 3 a 0 e i escordienc “B” a venciù par 3 a 0 contra i esordienc “B”.
Pierpaolo Rasom
Alessandro Colusso, Alessandro Sorarù, Alessandro Rasom, Matteo Bernard (dal 35’st Patrick Cincelli), Giovanni Deflorian, Luca Trottner, Massimo Lorenz, Michele Petrone (dal 30’ st Gianni Riz), Samuele Ruggiero (dal 44’st Fabio Bernard), Matteo Lorenz (dal 24’st Gabriele Riz), Patrizio Deville. All. Luciano Cigolla
FASSA – PAGANELLA 27 MARZO 2022
