Rua endodanef i 3 ponc par l Fascia balon ajache la venciù contra l Ortigaralefre. Ti prumes menuc de partida part miec o ghesc che do 10 menuc i pasa n vantac con a trata da tanche ite l area de rigor che fenes te do le spale del portier fascian. Do aer ciapa gol Trottner e compagnes no se destramet e i proa sobito a drezar la endesfida e al 24’ rua l gol fascian con a trata da tanche fora l area de rigor de Sebastiano Rasom de Gotart che fenesc te sach. Nience temp de festejar l gol che i ghesc pasa endò n vantac co na trata da or de area de rigor che fenesc tal set. Sul fenir de prum temp i bec arcedè da mister Cigolla podessa endò drezar la partida ma la trata da cet de Sebastiano Rasom ven parada dal portier ghest. ti secondi carantacinch menuc le i joegn ladins che part miec e do doi menuc i troa l gol dal doi a doi con a trata da i 11 metres vadagnada da Massimo Lorenz de Meca e tramudada n gol da Sebastiano Rasom. Col passar di menuc i fascegn seghita a atacar par cerir l gol de la venta con n par ocajion, dant co la trata da ite l area de rigor de Sebastian Cassan che ven parada e su la rebatuda de Massimo Lorenz che ven salvada su la linea dal defensor valsuganot e do co la trata de sgol da fora area de Sebastiano Rasom che l portier ghest le bravo a tirar fora dal set. Someasa che la endesfida fenese n parità ma a l ultim menut rua l gol de la venta fasciana co n autra trata da i 11 metres vadagnada da Massimo Lorenz e mudada n gol da Sebastiano Rasom. Na bela venta suada par i bec de Pres. Ghetta ajache le ruada ti ultimes menuc. I fascegn proarà endò a ciapar i trei ponc ja n mercol contra l Porfido Albian a Albian e n domenia contra l Alta Valsaugana da mese le 4 al Cotura.
Tel fin de setemana la Juniores a pareja contra l Val de Cembra 1 a 1 con gol de Emiliano Cinzol, i Arleeves a pareja contra l Athesis 1 a 1 con gol de Michael Prinoth, i giovanissimes a perdù contra la Benacense par 4 a 0, i esordienc “A” aperdù contra l l Borgo par 3 a 2, i esordienc “B” a perdù par 4 a 0 contra l Borgo “B”, i ponjins “B” a venciù par 3 a 1 contra l Fiem “F”.
Pierpaolo Rasom
Simone Rasom, Gianni Riz, Davide De Pellegrini(dal 1’st Alessandro Rasom), Matteo Bernard(dal 33’st Sebastian Cassan), Giovanni Deflorian, Luca Trottner, Massimo Lorenz, Michele Petrone(dal 21’ Samuele Ruggero), Sebastiano Rasom, Gabriele Riz(dal 8’st Sami Said), Patrizio Deville(dal 40’st Erik Costa). All. Luciano Cigolla
FASSA – ORTIGARALEFRE 7 APRILE 2024
