FASSA – ORTIGARALEFRE 5 SETTEMBRE 2021

Nia da far nience chesta outa par l Fassa balon che, enceben na bona prestazion, i a perdù par 1 a 0 contra l’Ortigaralefre. Scomenz de l endesfida no sorì par i parons de ciasa che no i è bogn de far sie jech e i riscia de ciapar l gol te n par de ocajion, do n cart de ora i fascegn met l mus te l mez ciamp aversarie e i met n dificoltà i ghesc ma Riz dant e Deville do no i è stac bogn de brincar l’usc par l vantac fascian. Sul fenir del prum temp l joen fascian Ruggero proa a far l gol dal un a nia par l Fascia ma l portier ghest è stat bon de petar fora da usc la bela trata. Te la seconda part de la endesfida le l’ Ortigara che spenc par se portar inant tal cont di gol ma la trata dai 20 metres la ven petada fora da Colusso con n gran sgol a la soa cencia. Do n cart de ora i bec de Mister Cigolla a riscià de passar sora con na trata de ciaf de Gianni Riz salvada su la linea de usc da n biado ghest. Se seghita con azion da part e da l’autra ma dregra ai portieres e la pecia precijion de ataches de dute dio le schedres la endesfida no se mef dal 0 a 0. A dies menuc da la fin rua l gol che val i trei ponc con na trata che va tal cianton aut. Trottner e compagnes proa a drena la partida ma zenza esser bogn. I joegn fascegn proaarà a vencer setemana che ven dant col la partida de Copa Provinzia n mercol sera da mese le 9 contra la Dolomitica e n domenia da mese le 4 contra l Perjen a Moena
Pierpaolo Rasom
Formazion: Colusso Alessandro, Riz Gianni, Gloder Tommaso (dal 15’st Rasom Lorenzo), Cincelli Patrick (dal 28’st Bernard Matteo), Deflorian Giovanni, Trottner Luca, Ruggero Samuele (dal 42’st Rasom Dennis), Deville Patrizio, Rasom Sebastiano, Petrone Michele, Riz Gabriele (dal 20’st Lorenz Massimo)