N auter pont par l Fascia degrà al pareje madurà contra l Mezzocorona. Ti prumes menuc de la endesfida le l ciamp che a la miec zenza che un a de le doi squadre fose bone de empervalar su l autra. Al 15’ menut rua la pruma ocajion de la partida con Massimo Lorenz de Meca che sauta n om e l met l balon te mez a l area de rigor che rua sui pie de Alessandro Crepaz, l joen de Reba l tira te usc ma l portier ghest le bon de parar co na gran parada. I fascegn ten miec l ciamp e i bogn de dar cruzies a la defendura rotaliana ma zenza che l balon fenese jun som al sach. Ti secondi carantacinch menuc part miec Trottner e compagnes che do cinch menuc riscia de passar inant con a trata de ciaf de Alessandro Crepaz che ven parada dal portier ghest. col jir di menuc i bec de mister Cigolla se sbasa e lasa jiar de oiù i ghesc che taca a dar cruzies a la defendura fascian e al 22’ del secondo temp rua la pruma ocajion ghesta co na trata dal cianton che resta te mez a l area de rigor l jiador ghest rua par pruma ma Simone Rasom de Rajum le bon de ciapar degra a n gran “riflesso”. La partida somea che la fenese n pareggio ma a 10 menuc da la fin rua l go lghest che desfruta n contropè, l jiador trentinot se troa da soul te dant l joen portier fascian e met l balon te sach. Do chesta mazada i bec de pres Ghetta i se peta inant par proar a drezar la endesfida che somea engrada ajache al 90 le stat petà fora Patrizio Deville. La partida somea jita ma rua l ultima trata dal cianton par i ladins, duc i jiadores se peta te area de rigor, Sebastiano Rasom de Gotart bat la trata dal cianton e rua l capitan Luca Trottner de Dur co na trata de ciaf che fenes te usc e dò 1477 dis zenza segnar l fas l gol che regala n pont che val tanche na venta. N pont che val or par i fascegn ajache le stat fat a l ultim menut contra una de le squadre che ambesc a i prumes posc de la clas. I fascegn proarà a portar a ciasa i trei ponc n domenia a Caldonazzo contra l Audace da mese le 4.
Tel fin de setemana la Juniores a perdù par 3 a 2 contra l Primier con goi de Adil Bouckrik e Samuel Casari, i Arleeves a perdù par 4 a 2 contra l Valsugana con goi de Sami Said e Omar Defrancesco, i giovanissimes a venciù par 9 a 0 contra l Fiem con 4 goi de Alexander Weiss e n gol a ciaf par Federico Obino, Nicolas Rasom, Gabriele Lorenz, Giovanni Detomas e Thomas Gabrieli, i esordienc “A” a perdù par 3 a 0 contra la Vipo Trento, i esordienc “B” a perdù par 3 a 0 contra l Val di Cembra “B”, i ponjins “A” a venciù par 3 a 1 contra la Dolomitica, i ponjins “B” a perdù par 3 a 2 contra l Fiem “E” e i ponjins “D” a venciù par 3 a 0 contra l Fiem “C”.
Pierpaolo Rasom
Simone Rasom, Gianni Riz(dal 43’st Davide Depellegrini), Alessandro Rasom, Matteo Lorenz, Giacomo Deflorian, Luca Trottner, Massimo Lorenz(dal 39’ st Matteo Bernard), Michele Petrone(dal 27’st Gabriele Riz), Sebastiano Rasom, Alessandro Crepaz, Samuele Ruggero(dal 25’st Patrizio Deville). All. Luciano Cigolla
FASSA – MEZZOCORONA 24 SETTEMBRE 2023
