4 ponc te le ultime doi endesfide par l Fascia Balon che n lunesc ai 10 de oril a venciù par 2 a 0 contra l Invicta Duomo e n domenia pasada a pareja par 0 a 0 contra la Virtus Trento. Te la pruma endesfida part miec i ghesc con a trata da tanche fora l area de rigor che ven parada da Simone Rasom de Rajum. Do chesta pruma ocajion ghesta Trottner e compagnes taca a jiar e a dar cruzies a la defendura trentinota ma zenza meter l balon jun som al sach. Envers la fin de l prum temp rua l ocajion che porta n vantac i joegn fascegn, n balon ven metù te area de rigor, i joegn fascegn proa la trata e l balon fenesc su la man de n defensor ghest e l diretor de la endesfida das la trata da i 11 metres par l Fascia Balon che Sebastiano Rasom de Gotart no l fala. Te la seconda part de la endesfida le i bec de Pres Ghetta che taca miec proan a serar la partida ma zenza esser bogn de far l gol fin al mez del temp con a gran azion de Sebastiano Rasom che dant l recupera l balon te la zona de atach e do l pasa l balon a Samuele Ruggero che te dant l portier no pel falar. Col jir di menuc la endesfida no da più ocajion da nonzech e la fenesc coscita. Da are jià n lunesc i bec de mister Cigolla n domenia pasada a jià a Trent contra la Virtus Trento. Do i prumes menuc de “studio” le Trottner e compagnes che proa a crear ocajion par dar cruzies a la defendura de ciasa ma zenza esit positif. Sul mez de la endesfida rua la più gran ocajion de la endesfida, l balon ven metù te l mez de l area, Matteo Lorenz de Jan i la pasa de ciaf a Gabriele RIz de Janoto che l proa la trata de ciaf che l portier de ciasa co “n colpo di reni” le bon de azuar sora l remenat aut. Dant de la fin de l prim temp rua n autra ocajion par i fascegn con a trata da i 20 metres de Matteo Bernard de Bernardo che fensc pech fora da l usc. Te la seconda part de la endesfida no muda l jech con i fascegn che spenc zenza troar l gol de la venta. col jir di menuc rua l unica ocajion par i parogn de ciasa con a trata da cet che ven parada da Simone Rasom. Do chesta ocajion no ne rua autre e la endesfida fenesc 0 a 0. do chisc 4 ponc i fascegn proaarà a ciapar endò trei ponc te l derby che vegnerà jià n domenia da le 4 al Cotura olà i e duc enviè a veder la partida.
Tel l fin de setemana la Juniores a venciù te l tornoi FIGC contra l Roncegno par 5 a 2 con n gol a ciaf par Michele Zulian, Jacopo Viola,Soufiane Bouchrik, Jacopo Sommavilla e Michael Biloni, i Arleeves a venciù par 4 a 3 contra l Valsugana con 2 goi de Diego Platter e n gol par om de Adil Bouchrik e Sami Said, i giovanissimes a parejà par 0 a 0 contra l Borgo, i Esordienc “A” a perdù par 3 a 0 contra l Calisio, i Esordienc “B” a perdù par 3 a 1 contra l Val de Cembra “B”.
Pierpaolo Rasom
Formazion contra l Invicta Duomo: Simone Rasom, Alessandro Soraru, Alessandro Rasom, Matteo Lorenz(dal 35’st Soufiane Bouchrik), Giovanni Deflorian, Luca Trottner, Gabriele Riz(dal 12’st Gianni RIz), Matteo Bernard(dal 43’st Lorenzo Riz), Sebstiano Rasom, Samuele Ruggero(dal 30’st Gabriele Zacchia), Patrizio Deville(dal 20’st Michele Petrone). All. Luciano Cigolla
Formazion contra la Virtus Trento: Simone Rasom, Alessandro Soraru(dal 18’st Gianni Riz), Alessandro Rasom, Matteo Lorenz, Giovanni Deflorian, Luca Trottner, Gabriele Riz(dal 23’st Erik Costa), Matteo Bernard(dal 43’st Sebastian Cassan), Sebastiano Rasom, Michele Petrone(dal 32’st Soufiane Bouchrik), Patrizio Deville(dal 36’st Gabriele Zacchia). All. Luciano Cigolla
FASSA – INVICTA DUOMO 10 APRILE 2023 VIRTUS TRENTO – FASSA 16 APRILE 2023
