Fenesc l moment positif par l Fascia balon che n domenia pasada a perdù par 2 a 1 contra la Garibaldina. Scomenza sobito mal par Deflorian e compagnes che do 5 menuc i va sot tel “punteggio” degrà a n colp de ciaf che Colusso no e ruà a ciapar. I fascegn no se peta ju e i proa a drezar l resultat con Gabriele Riz che de cianc da bona posizion la ciapà l difensor, col jir inant de la endesfida i bec arcedè da mister Cigolla i a na gran ocajion con Petrone che rua te dant usc ma no le bon de trar l balon jun som al sach. A diesc menuc da la fin del prum temp rua l secondo gol ghest con n fal de la defendura fasciana che se endromenza e lasa l balon al atacant che no fala. Te la seconda part de la endesfida part miec i fascegn che cer te dute le maniere de drezar la endesfida e do n cart de ora rua l gol del 2 a 1 con Deville che do n gran assist de Matteo Lorenz rua dedant l portier ghest e no l fala. Do l gol i fascegn se engaissa amò de più e proa a far l gol del 2 a 2 ma zenza l troaar l gol dal pari enceben le dotrei ocajion creade. I fascegn proaarà endò a venjer contra l Pinè a Bedollo n domenia ai 24 de otober da mese le 4
La fin de la setemana de la schedre mendre no la è jita trop ben parchè la juniores a perdù contra l Civezzano par 2 a 0, i Arleeves a paregià contra l Ortigaralefre 1 a 1 con gol de Diego Platter, i Giovanissimes a perdù par 7 a 2 contra l Ortigaralefre con goi de Sami Said e Nathan Ciocca, i esordienc “A” a perdù 4 a 2 contra la Valcembra, i esordienc “B” a perdù par 2 a 1 contra l Civezzano, i Pulcini “C” a perdù par 10 a 0 contra l Alta Valsugana e i Pulcini “B” a pareggià 1 a 1 contra l Fiem “B”.
Pierpaolo Rasom
Alessandro Colusso, Alessandro Sorarù, Alessandro Rasom, Matteo Lorenz, Giovanni Deflorian, Tommaso Gloder, Gianni Riz, Michele Petrone(dal 37’st Mirko Barcatta), Sebastiano Rasom, Gabriele Riz (dal 1’st Fabio Bernard), Patrizio Deville. All. Luciano Cigolla
FASSA – GARIBALDINA 17 OTTOBRE 2021
