Rua la pruma desfata de la sajon per l Fascia Balon che domenia passèda de contra a la Dolasiana no à portà a cèsa nience n pont. Te la pruma pèrt de partida la doi formazions no à abù gran ocajions per fenir l prum temp n vantac enceben che l Fascia à schicià i aversaries te sie mezciap per beleche duc i carantacinch menuc. Te la seconda pèrt de la partida i joegn fascegn à proà a venjer co n bon jech, metan ensema n par de grana ocajions per passèr n vantac. Dant con Gabriele Riz, metù ite tel secondo temp, che ampò ruà te area l’à bega col balon el trajan fora. Dapò con Daniele Deluca, che con na gran trata da cet à trefà l cianton aut, fajan pissèr duc al gol, ampò l portier ghest co n gran sgol à devia fora. La endesfida la se à sbloca a l’ultim menut canche un di ghesc se à pissà de proèr na trata da caranta metres che la è ruèda te usc fascian giusta sot l remenat aut, lascian duc maraveé e zenza paroles. Na desfata donca per i tousc fascegn che, te chel moment i cardea de portèr a cèsa amancol n pont. N burt scomenz de campionat che i bec de mister Chelodi proarà a drezèr chesta domenia contra la Solandra semper sul ciamp de Vich da mesa les cater.
L mior: Manuel Bernard
Chel che aessa podù fèr miec: Giuseppe Deflorian
Formazion: Alessandro Colusso, Luca Trottner, Federico Cincelli, Giovanni Delorian, Gianni Riz (25’ st Lorenzo Rasom), Daniele Lorenz(15’ st Cristoforo Debertol), Sebastiano Rasom, Matteo Lorenz(35’ st Michael Pezzei), Manuel Bernard, Patrizio Cigolla(30’ st Daniele Deluca), Giuseppe Deflorian(1’ st Gabriele Riz).