FASSA – CIVEZZANO 1 dicembre 2019

L fascia balon a fenì la pruma pèrt del campionat a na bona vida portan a ciasa 4 ponts te la ultimes doi partide degrà la venta par 1 a 0 con l Valsugana, jiada n jebia a 28 de November, e l pareje 0 a 0 contra l Civezzano. La pruma endsfida le jita sobito n discesa per i joegn fascegn che doi 3 menuc de jech i troà l gol con Patrick Cincelli che troa l’angolino bas do na trata dal cianton, i fascegn seghita a atachèr ma con mingol de imprecision e desfortuna no e bogn de serèr la endesfida, te l secondo temp è vegnù fora de più l Valsugana che a proà de dute le maniere a riciapèr la endesfida che degrà al portier fascian Mostallino e a la imprecision de sie atacanc no i è stat bogn, miec par Trottner e compagnes che a portà a cèsa i trei ponts; la seconda endesfida le stat n dominio fascian che però no se a tramudà te i trei ponts; i tousc de Mister Chelodi a proà a peter l balon jun fon a sach ma no i e stac bogn dant con na trata l i 25 metres devièda da l remenant aut e do con n muoin de azions che no se è stac bogn de peter te usc, no se era bogn de peter n balon te usc nience con le man, te l secondo temp podea ruèr ence la beffa che se no fosa stat per Gianni Riz che apetà fora l balon da la linea de porta; la partida la è fenida 0 a 0 che a lasa mingol de agher te la bocia dei fascegn che i meritaa de più. L campionat l se ferma e l Fascia se a tira su mingol la sosta parche no le più n zona checena e i pel passer la paussa zenza burc pensieres.
I campionac de la scheders mendres e fenì a parte chel de la juniores che sul ciamp de Vigalzano a venjù par 3 a 1 contra l’Ischia coi gol de Petrone Davide, Bernard Fabio e Zulian Paolo. Na venta che i li porta prumes n classifica e i li fasc sperèr per l da vegnir de la sozietà e de la schèdra stessa che da n miue de egn che no i brillea.
Pierpaolo Rasom
Formazion (vs Valsugana): Mostallino Francesco, Rasom Lorenzo (10’st Riz Gianni), Cincelli Patrick, Melecci Riccardo, Deflorian Giovanni, Trottner Luca, Lorenz Matteo, Ruggiero Samuele (5’st Lorenz Massimo), Rasom Sebastiano, Riz Gabriele (dal 15’st Petrone Michele), Deville Patrizio

Formazion (vs Civezzano): Colusso Alessandro, Petrone Michele, Riz Gianni, Melecci Riccardo, Cincelli Patrick, Trottner Luca, Lorenz Matteo, Rasom Lorenzo (dal 1’st Deflorian Giovanni), Rasom Sebastiano, Lorenz Massimo (dal 10’st Ruggiero Samuele), Deville Patrizio (dal 15’st Riz Gabriele)