Nia da far par l Fascia Balon che a cognù lasciar i 3 ponc al Borgo. Ti prumes menuc part miec i ghesc e al prum menut i fasc l gol da 1 o 0 co na trata da ite l area de rigor che fenes te do Leonardo Deflorian Felix. Do aer ciapà chest gol a freit Trottner e compagnes no se peta ju e i proa sobito a drezar la endesfida dant con a trata de Massimo Lorenz de Meca che fenes pech dalonc da luc e sul fenir de la pruma frazion de jech con a bela azion che ven fenida dala trata de Matteo Lorenz de Jan che n l brinca l usc. ti secondi carantacinch menuc le i bec arcedè da mister Cigolla che taca miec co na gran azion che fenesc sui pie de Michele Petrone del Pat che brinca l portier. Col jir di menuc l Borgo taca a majenar jech e al 55’ rua l 2 a 0 co na trata dai 20 metres che fenes dreta tal set. Pasa autres 10 menuc e rua ence l 3 a 0 co na trata da doi pas da l usc che l atacant valsuganot no l fala. Ti ultimes menuc la endesfida se jia soraldut tel mez del ciamp zenza che sie ocajions da nonzech. Na desfata che no con far desperar i bec de pres Ghetta ajache le ruada contra la pruma de la clas e che per beleche n temp ge a dat no pec cruzies. I fascegn proaarà endodanef a portar i 3 ponc a l ombria de sas da le doudes n domenia da mese le 4 al Cotura contra la Virtus Trent.
Tel fin de setemana la Juniores a venciù par 2 a 0 contra l Roncegno con 2 goi de Michael Biloni, i Arleeves a parejà par 2 a 2 contra l Valsugana con goi de Michael Sommavilla e Stefano Iori, i giovanissimes a perdù par 4 a 0 contra l Toblino, i esordienc “A” a parejà 3 a 3 contra l Roncegno, i esordienc “B” a perdù par 2 a 4 contra l Fiem “B”, i ponjins “A” a perdù co la Monti Pallidi 2 a 1 e i ponjins “C” a perdù contra l Fiem “C” par 4 a 0
Pierpaolo Rasom
Leonardo Deflorian, Gianni Riz, Michele Petrone, Matteo LOrenz(dal 35’st Giacomo Deflorian), Giovanni Deflorian, Luca Trottner, Massimo Lorenz(dal 37’st Lorenzo Riz), Gabriele Riz(dal 15’st Sami Said), Sebastiano Rasom, Samuele Ruggero, Patrizio Deville. All. Luciano Cigolla
FASSA – BORGO 21 APRILE 2024
