FASSA – AZZURRA 8 OTTOBRE 2023

Gran venta par l Fascia Balon che venc contra l Azzurra. Ti prumes menuc part miec i ghesc che proa a schiciar te sie mez del ciamp i joegn fascegn ma zenza dar cruzies. Col passar i menuc Deflorian e compagnes taca a jiar miec e al 12’ rua l prum gol fascian con Patrizio Deville che met jun som al sach l balon de gra a ngran passaje de Matteo Bernard de Bernardo. Do l gol i bec de mister Cigolla seghita a spenjer par segnar l secondo gol e do 10 menuc rua semper con Patrizio Deville de Bronza che do aer ciapà l balon da Sebastiano Rasom de Gotart sauta con doi jeghes de prestige i aversaries e met l balon te usc. DO chest gol i aversaries no i e più bogn de reagir e i joegn fascegn riscia più oute de far l 3 a 0 che rua sul fenir de l prum temp con Massimo Lorenz de Meca che ciapa l balon dret dal joen portier fascian Simone Rasom de Rajum e met te usc l balon. Ti secondi 45 menuc la muesga no muda e do 3 menuc rua l 4 a 0 co na trata da ite l area de rigor de Gianni Riz Peta che l portier no le stat bon de parar. do chest gol i fascegn se senta miongol e i trentinoc taca a spenjer e sul mez del temp rua l gol de la bandiera con a trata da i 11 metresche l atacant ghest met te do l portier fascian. Pasa i menuc e i ladins podesa far n auter gol ma i atacanc no i e bogn de brincar l usc. Na venta emportanta ajache le la pruma sul ciamp de ciasa e i bec de pres Ghetta proarà a tor autrs trei ponc ocntra l Ortigaralefre a Villa Agnedo n domenia da mese le 4
Tel fin de setemana la Juniores a perdù contra l Val di Cembra par 5 a 3 con 2 goi de Sebastian Cassan e n gol de Maikol Biloni, i Arleeves a venciù par 5 a 2 contra l Borgo con doi goi de Sami Said e n gol par om de Sebastian Cinzol, Omar Defrancesco e Simone Zanoner, i giovanissimes a venciù par 9 a 4 contra l Levico Terme con 3 goi par om de Alexander Weiss e Nicolas Rasom, 2 goi de Giovanni Detomas e un de Federico Obino, i Esordienc “A” a pareja contra l Lavis par 3 a 3, i esordienc “B” a perdù par 4 a 0 contra la Dolomitica e i ponjins “D” a pareja 2 a 2 contra l Fiem “D”.
Pierpaolo Rasom
Simone Rasom, Gianni Riz (dal 35’st Lorenzo Rasom), Alessandro Rasom, Matteo Lorenz(dal 5’st Gabriele Riz), Giovanni Deflorian, Giacomo Deflorian(dal 15’st Davide Depellegrini), Massimo Lorenz(dal 30’st Alessandro Crepaz), Matteo Bernard(dal 18’st Gabriele Zacchia), Samuele Ruggero, Sebastiano Rasom, Patrizio Deville. All. Luciano Cigolla.