Rua n auter pont par l Fascia balon degrà l pareje madurà contra contra l Azzurra. Ti prume menuc le i ghesc che ten bala ma no i e bogn de dar cruzies a la defendura fasciana. La ruma ocajion la e par i bec de mister Capovilla co la trata de ciaf de Davide De Pellegrini Becalegn che l portier trentinot l para. Col jir di menuc ciapa semper più ciamp e entorn l mez del temp fala la più grana ocajion de duta la endesfida co l so numer set che da te mez l area de rigor no l troa l usc. a 10 menuc da la fin del prum temp rua n autra ocajion par Trottner e compagnes co l clas 2003 de Rèba Alessandro Crepaz che, do na bel assist de Patrizio Deville de Bronza, l rua de dnat al portier ma no le bon de meter l balon te sach. Ti secondi carantacinch menuc taca miec i ladins e do 10 menuc rua n autra grana ocajion co n rinvio de Simone Rasom de Rajum che deventa n assist par Michele Petrone del Pat che le bon de sutar l portier ma l defensdor salva su la linea da l usc. col jir de la partida l gran ciaut a abu la miec su i 22 jiadores e no le stat più ocajon da nonzech. N pont che mef la clasifica ma i bec de pres Trottner no i con se destrameter e i proaarà a portar a l ombria del Sas da le Doudes i 3 ponc n domenia contra l Audace a Caldonazzo da mese le 4.
Tel fin de setemana a jià ence la seconda squadra contra l Roncegno perdan par 3 a 1 con gol de Mattia Manenti te na partida che la tacada mal degrà l gol ciapà do pec menuc, ma i bec de Mister Petrone i e stac bogn de parejar. Tel seocndo temp i joegn fascegn i e calè e i valsuganoc i ne a profità segnan i 2 gol e portan a ciasa i 3 ponc. A taca a jiar ence le giovanili co la juniores che a perdù par 8 a 1 contra l Valcembra con gol de Alexander Weiss e i giovanissimes che a batù par 7 a 1 l Levico Terme con 3 goi de Nathan De Palma, 2 de Gabriele Dellantonio e 1 par om de Tommaso Chiocchetti e Thomas Rizzi.
Pierpaolo Rasom
Simone Rasom, Gianni Riz, Devide De Pellegrini, Tommaso Gloder, Tomas Ngresi, Luca Trottner, Massimo Lorenz(dal 40’st Alexander Weiss), Erik Costa(dal 5’st Michele Petrone), Sebastiano Rasom(dl 5’st Sebastian Cassan), Patrizio Deville(dal 30’st Adil Bouchrik), Alessandro Crepaz(dal 20’st Gabriele Riz). All. Alessandro Capovilla
FASSA – AZZURRA 14 SETTEMBRE 2025
