Nia da far par l Fascia balon che n domenia a perdù contra l Audace. Ti prumes menuc de la endesfida no rua cruzies par le doi defendure e se jia muie te mez al ciamp. A la pruma ocajion da nonzech i bec arcedè da mister Cigolla i pasa, Massimo Lorenz de Meca recupera l balon tel mez dal ciamp l sauta doi jiadores ghest e met l balon te mez a l area olache rua Patrizio Deville de Bronza che met te sach. Do aer ciapa l goi i valsuganoc taca a jiar miec e i das cruzies a Trottner e compagnes che proa a se defener ma a 10 menuc da la fin del temp rua l prum gol ghest profitan de n fal de la defendura ladina l atacant ghest met l balon tel set. Te la seconda part de la partida le i ghesc che part miec e i joegn fascegn se defen zenza che i valsuganoc risce de far l secondo gol che rua con n “gol de la domenia” col defensor ghest che par petar demez n balon dal mez del ciamp le bon de meter l balon tal set. Do chest gol Trottner e compagnes no se peta ju e i proa a drezar la endesfida ma zenza dar de gregn cruzioes a la defendura ghesta. A 10 menuc da la fin podesa ruar l terzo gol ghest ma la trata da cet la ven ben parada da Simone Rasom de Rajum. Na desfata che no con far desperar i bec de pres Ghetta ajache le ruada contra na squadra forta e i proaarà a portar endodanef i 3 ponc al ombria de sas da le doudes n domenia a Trent da le 3 contra l Azzurra.
Tel fin de setemana la juniores a pareja 2 a 2 contra l Primier con goi de Michele Zulian e Stefano MIch, i Arleeves a venciù contra l Audace par 3 a 2 con goi de Andrea Brugnara, Michael Prinoth e Sebastian Cinzol, i giovanissimes a perdù contra l Mori Santo Stefano par 11 a 0, i esordienc “A” a pareja contra l Primier “A” par 2 a 2 e i esordienc “B” a perdù par 3 a 0 ocntra l Porfido Albian “B”.
Pierpaolo Rasom
Simone Rasom, Gianni Riz, Davide De Pellegrini, Matteo Bernard(dal 15’st Sami Said), Giovanni Deflorian, Luca Trottner, Massimo Lorenz, Michele Petrone(dal 1’st Gabriele Riz), Sebastiano Rasom, Samuele Ruggero(dal 30’st Sebastian Cassan), Patrizio Deville. All. Luciano Cigolla
FASSA – AUDACE 17 MARZO 2024
