Rua 4 ponc par l Fascia Balon chesta setemana ajache n mercol sera a venciù contra l Porfido Albiano e n domenia a pareja contra l Alta Valsugana. N mercol sera le stat na partida muie combatuda ma ala fin le stat i bec de mister Cigolla a aer la soramesa. Trottner e compagnes e stac bogn de rebaltar l resultat con i goi de Patrizio Deville e Matteo Bernard. n domenia enveze a perja contra l Alta Valsugana. Ti prumes menuc part miec i joegn fascegn che do doi menuc passa n vantac con Samuele Ruggero che desfruta n fal del portier ghest che ge passa l balon e l clas 2002 da Moena no se fas prear e i lo met te sach. Col passar di menuc i ladins lasa l ciamp ai valsuganoc che i riscia de pareva la endesfida ma la trata da cet ven parada dal joen clas 2006 da Cianacei, a la pruma partida da titolare, Francesco Brunner. Ala mesora rua l gol dal un a un co n atrata dal cianton che ven metuda te usc da n colp de ciaf. Sul fenir del prum temp rua l secondo gol fascian semper con Samuele Ruggero che, ben servì da Sami Said, l met l balon vejin al remenat a la dreta del portier valsuganot. Ti secondi carantacinch menuc part miec i ghesc e do 10 menuc i e bogn de troar l gol dal doi a doi degrà a n rebalton te area co l atacant ghest che le rua a petar l balon te usc. passa 10 menuc e i fascegn riscia de passar n autra outa inant con a trata dai 30 metres de Massimo Lorenz de Meca che no troa l usc par pech. A 20 menuc da la fin rua l terzo gol valsuganot con a trata da i 11 metres tramudada n gol. Do aer ciapa l gol i joegn fasacegn cer te dute le maniere a drezar la endesfida e al 90 rua l tant spera gol con a trata de Samuele Ruggero che rua sul ciaf de Patrizio Deville de Bronza. A l ultim menut de recupero podesa ruar l 4 gol fascian ma Massimo Lorenz al moment de la trata ven peta ju dal defensor valsuganot. N bel pont rua contra la seconda da la clas par i bec de Pres Ghetta che proaarà a ciapr i 3 ponc n domenia contra la pruma de la clas l Borgo al Cotura da mese le 4.
Tel fin de setemana la juniores a venciù par 6 a 1 contra l Montevaccino con goi de Sebastian Cinzol, Adil Bouchrik, Stefano Mich, Michael Biloni, Claudio Iori e Tommaso Zanoner, i Arleeves a venciù l derby contra l Fiem 1 a 0 con gol de Simone Zanoner, i giovanissimes a perdù par 4 a 0 contra l Athesis, i esordienc “B” a perdù par 4 a 0 contra l Val di Cembra “C”, i ponjins “A” a venciù par 3 a 1 contra l Fiem “D” e i ponjins “C” a perdù par 4 a 0 contra l Fiem “E”.
Pierpaolo Rasom
Francesco Brunner, Davide De Pellegrini(dal 42’st Pierpaolo Rasom), Alessandro Rasom, Gabriele Riz(dal 15’st Matteo Lorenz), Giovanni Deflorian, Luca Trottner(dal 27’st Giacomo Deflorian), Massimo Lorenz, Michele Petrone(dal 35’st Lorenzo Riz), Samuele Ruggero, Patrizio Deville. All Luciano Cigolla.
FASSA – ALTA VALSUGANA 14 APRILE 2024
