Rua endodanef na venta par l Fascia Balon che n domenia pasada a batù l’Alta Valsugana. Part miec i ghesc co la pruma trata che Gianni Riz le bon de salvar su la linea da l’usc. Col jir di menuc Deflorian e compagne sciapa semper più ciamp e i proa a dar cruzies a la defendura valsuganota. Te l mez del temp rua l gol del vantac par i joegn fascegn con Patrizio Deville che desfruta na gran azion de Massimo Lorenz de Meca che rua te dant l portier e enveze de titar i la pasa a clas 97 de Moena che met l balon jun som al sach. Pasa autres 10 menuc e i bec de pres. Ghetta pasa endò con Massimo Lorenz con a trata da ite l area de rigor che fenesc te usc apede l remenat a cencia del portier ghest. Al ultim menut i valsuganoc i scurta l resultat co na trata da doi pas da l’usc che l joen Simone Rasom de Rasum no le bon de parar do aer parà la trata de ciaf che l atacant aea fat. Te la seconda part de la endesfida part endò miec i ghesc che do doi menuc das l prum cruzie a la defendura fasciana ma la trata la è ben parada da Simone Rasom. Pasa i menuc i i bec arcedè da mister Cigolla taca endò a jiar e dar cruizes a la defendura ghesta dant con a trata de Michele Petrone che no troa l gol e do con Alessandro Rasom de Onz che l proa la trata da tanche fora l area de rigor che ven parada dal portier ghest. A 10 menuc da la fin rua l terzo gol fascian, l mior te ciamp Massimo Lorenz part n velocità l sauta n par de difensores e al ultim ge ven far na gambarela, par l diretor de gara le rigor che Sebastiano Rasom de Gotart le bon de meter jun som al sach do che l balon a ciapà l toch sot de l remenat aut. Bela venta par i joegn fascegn che i deventa ence prumes da la clas. I fascegn proaarà a portar a ciasa i 3 ponc contra l Azzurra da mese le 3.
Tel fin de setemana la juniores a perdù par 2 a 1 contra l Alta Valsugana con gol de Michele Zulian, i Arleeves a venciù contra l Ortigaralefre par 7 a 0 con 2 goi de Sami Said e n gol par om de Adil Bouchrik, Sebastian Cinzol, Daniel Chiocchetti, Diego Platter e Tommaso Zulian, i giovanissimes a venciù contra l Audace par 4 a 1 con goi de Thomas Liberatiore, Michael Prinoth, Simone Zanoner e Lorenzo Crepaz, i esordienc “A” a perdù 3 a 0 contra l Porfido Albian, i esordienc “B” a perdù contra l Fiem “B” par 2 a 1, i ponjins “A”a venciù par 3 a 0 contra l Fiem “C” e i ponjins “C” a perdù par 2 a 1 contra la Monti Pallidi
Pierpaolo Rasom
Simone Rasom, Gianni Riz, Alessandro Rasom, Gabriele Riz(dal 40’st Gabriele Zacchia), Giovanni Deflorian, Tommaso Gloder(dal 1’st Giacomo Deflorian), Massimo Lorenz, Michele Petrone(dal 33’st Matteo Bernard), Sebastiano Rasom, Samuele Ruggero(dal 45’st Sebastian Cassan), Patrizio Deville(dal 35’st Alessandro Crepaz). Alenador Luciano Cigolla
FASSA – ALTA VALSUGANA 13 NOVEMBRE 2022
