FASSA – ALTA ANAUNIA 10 APRILE 2022

Seghita l moment positif dei joegn arcedè da mister Cigollla che a venciù contra l Alta Anaunia par 3 a 1. L prum temp le tenic de ocajions. La prima ocajion de la endesfida i la a i ghesc che con n cross i dasc n cruzie a Colusso chel mana l balon sul remenat aut. Mingol do rua la pruma ocajion par i fascegn con Matteo Lorenz che con a trata da i 20 metres ciapa l remenat a dreta del portier ghest, pasa n par de menuc e le endò i joegn fascegn che riscia de passar n vantac con Sebastiano Rasom co na trata dai 25 metres che l portier le bon de no far fenir te usc. La seconda part de la endesfida la taca desche la pruma part zenza gran ocajions. Passa vint menuc e rua l gol del l vantac fascian co n autogol propizià da na trata dal ciaton de Massimo Lorenz. Do l gol de l vantac Trottner e compagnes se ngaissa e i taca a spenjer par serar la partida e a 10 menuc da la fin rua l 2 a 0 con Alessandro Soraru che met l balon tal set con a trata da i 25 metres. I ghesc proa a drezar na partida con a trata da fora area parada zenza problemes da Colusso. Ti menuc de recupero fas gol i ghesc co na trata da i 11 metres e n menut do rua ence l terzo gol fascian con a trata da i 11 metres de Sebastiano Rasom. N autra venta par i bec de Pres Ghetta che lunesc che ven jierà a San Michele al Adige contra la Garibaldina.
Tel weekend la juniores a venciù par 11 a 3 contra l Cembra con 3 goi de Enrico Bernard, 2 goi de Michael Biloni, 2 goi de Erik Costa e goi de Claudio Iori, Mattia Lastei, Michele Zulian e Samad Bouchrik, i Arleeves a venciù par 4 a 1 contra la Dolomitica con 2 goi de Simone Rasom, e goi de Mattia Roldo e de Francesco Saverio Serpa, i giovanissimes a perdù par 4 a 1 contra l’Ortigaralefre con gol de Sami Said, i esordienc “B” a venciù par 3 a 1 contra l FIem “B” e i ponjins “A” a venciù par 3 a 0 contra l fiem “C” e i ponjins “C” a perdù par 3 a 0 contra la Dolomitica
Pierpaolo Rasom
Alessandro Colusso, Alessandro Rasom (dal 45’st Pierpaolo Rasom), Alessandro Soraru, Matteo Lorenz (dal 26’st Gianni Riz), Giovanni Deflorian, Luca Trottner, Massimo Lorenz, Michele Petrone, Sebastiano Rasom, Samuele Ruggiero (dal 15’st Gabriele Riz), Patrizio Deville (dal 43’st Fabio Bernard).