Setemana no positiva par l Fascia balon che do esser jic fora da la copa provinzia contra la Dolomitica par 1 a 0 no e stac bogn de venjer la partida de campionat semper contra la Dolomitica. La endesfida la e ence scomenzada ben par i joegn fascegn che a comanà l jech par bon toch de la pruma part de la endesfida, mingol ala outa però i pardacegn a ciapà semper più ciamp fin canche i e passe n vantaje con n gol fortunà a 5 menuc da la fin del prum temp. Te la seconda part i fascegn a proa a se far veder zenza però crear ocajions da gol. Con l passar de i menuc la prescion de i fascegn e vegnuda semper manco e i pardacegn a podù segnar l secondo gol. I fascegn a proa a la rebaltar con n par de trate parade dal portier aversarie e se no fossa assà è ruà ence n remenant aut da man de Patrizio Deville co na trata da cet. No ge volea par l Fascia che ades l se troa jun fon a la clasifica a l’ultim post ma i proarà a miorar la burta posizion n domenia contra l Molveno a Molveno a meses les 4.
Schedres mendre
Per tant che revarda la schedres mendre la juniores a pareja contra l Telve 2 a 2 con i goi de Enrico Bernard e de Milovan Anackov, i Arleves a pareja contra l Perjen B par 3 a 3 con goi de Franchesco Bogni, Michele Zulian e Cristian Tocco enveze i giovanissimes a perdù contra l’Aldeno 4 a 2 con goi de Daniel Chiocchetti e Andrea Brugnara. Setemana che ven la juniores jierà contra l Perjen n sabeda ai 26 de setember a Sen Jan da le 5, i Arleves i jierà n domenia 27 contra la Virtus Trento da mese les 11, i giovanissimes jierà a Trent contra la Bolghera n sabeda 26 da les 4, i esordienc A jierà a pardac contra la Dolomitica n sabeda 26 da les 4 envece i esordienc B jierà a Gabbiolo contra la Vipo Trento da les 4 n sabeda 26
Pierpaolo Rasom
Colusso Alessandro, Petrone Michele, Loewe Gregor (dal 25’st Barcatta Mirko), Bernard Matteo (dal 1’st Cincelli Patrick), Deflorian Giovanni, Trottner Luca, Lorenz Matteo, Rasom Lorenzo, Deville Patrizio, Lorenz Massimo, Riz Gabriele (dal 1’st Riz Gianni)
DOLOMITICA – FASSA 20 settembre 2020
