Nia da far par l Fascia Balon che n domenia a perdù par 1 a 0 contra l Borgo. Ti prumes menuc part miec i parogn de ciasa che ten el balon e proa a dar cruzies a la defendura fasciana ma zenza esser bogn de crear ocajion da nonzech. Col jir di menuc Trottner e compagnes ciapa le mesure e i proa a se petar inant ma zenza esser bogn de ruar apede l area de rigor valsuganota. I parogn de ciasa respon co n par de trate che fenesc drete te brac al portier fascian. Ti secondi carantacinch menuc la musega no muda con i parogn de ciasa che proa a far l gol de la venta e i bec de mister Cigolla che se defen dalvers e proa a partir n contropè ma zenza aer fortuna. Entorn l 20 rua la pruma grana ocajion par i parogn de ciasa ma l atacant no le bon de ciapar usc da pec pas. Pasa 10 menuc e rua l gol de la venta par l Borgo con a trata da i 20 metres che fenes dreta tal set. Te chest ultim cart de ora i fenc de pres Ghetta proa a drezar la endesfida ma zenza esser bogn de ruar apede l usc valsuganot. Na desfata che no con far destrameter i joegn fascegn ajache i a jia na partida bona contra na squadra forta che no a caso la e pruma. i ladins proarà a ruar endò a la venta n domenia da mese le 3 domarena al Cotura contra la Virtus Trento.
Tel fin de setemana la Juniores a pareja contra l Alta Valsugana par 2 a 2 con goi de Michael Biloni e Tommaso Zulian, i Arleeves a venciù par 3 a 2 contra l Valsugana con goi de Sami Said, Michael Sommavilla e Alexander Weiss, i giovanissimes a venciù par 8 a 2 contra l Fime B con 2 goi par om de Federico Obino, Andrea Pezzei e Nicolas Rasom e n gol a ciaf par Thomas Gabrieli e Sebastian Pederiva, i esordienc “A” a venciù par 3 a 2 contra l Porfido Albiano, i ponjins “B” a venciù par 2 a 1 contra l Fiem “D”, i ponjins “C” a venciù par 2 a 1 contra la Dolomitica e i ponjins “D” a pareja 2 a 2 con l Fiem “F”.
Pierpaolo Rasom
Simone Rasom, Davide De Pellegrini, Alessandro Rasom, Gianni Riz(dal 35’ st Sebastian Cassan), Giovanni Deflorian, Luca Trottner, Massimo Lorenz, Gabriele Riz(dal 25’st Lorenzo Riz), Sebastiano Rasom, Alessandro Crepaz(dal 32’st Michele Zulian), Patrizio Deville. All. Luciano Cigolla
BORGO – FASSA 29 OTTOBRE 2023
