Nia da far ence chesta outa par l Fascia Balon che a perdù contra l Azzurra. Par sobito miec i bec de mister Cigolla che do 9 menuc i pas n vantac con Massimo Lorenz de Meca che do esser metù de dant usc da Simone Rasom de Rajum l met l balon te sach. Do aer fat gol i fascegna tacà a no jiar più desche semper e i parogn de cias a profità zenza però dar cruzies a la defendura ladina. Ti secondi carantacinch menuc par benon Trottner e compagnes e do 3 menuc i fasc l gol con a trata da i 11 metres vadagnada da Massimo Lorenz e mudada n gol da Sebastiano Rasom de Gotart. Col jir di menuc i joegn aessa n par dde ocajion par serar la partida ma no le state desfruatade. Nvers l mez del temp rua i prum gol di trentins che i desfruta n fal de la defendura fasciana e i met l balon te sach, pec menuc do i progn de ciasa podesa far l gol del pari ma la trata da cet ven tirada via dal set dal joen portier fascian. Pasa i menuc e i fascegn aessa fat l 3 a 1 con Patrizio Deville ma le stat anulà par n dubie forajech. Al 90 rua na doccia giaciada par i ladins che su na trata dal cianton i ciapa l secondo gol di parogn de ciasa. Do aer ciapà l gol i joegn fascegn proa a far l gol de la venta ma zenza esser bogn e a n par de menuc da la fin del recupero i ciapa l terzo gol ghest con a trata da ite l area de rigor che la fenesc sot al remenat aut. na burta desfata par i bec de pres Ghetta. Ades na setemana de paussa par festejar la pasca e do se proaarà endo a portar a ciasa i 3 ponc contra l Ortigaralefre n domenia ai 7 de oril da mese le 4 al Cotura.
Tel fin de setemana la Juniores a venciù par 2 a 1 contra la Dolomitica con goi de Erik Costa e Michele Zulian, i Arleeves a venciù par 3 a 2 contra l Predaia con n gol par om de Sebastian CInzol, Andrea Brugnara e Alessio Stoffie, i giovanissimes a perdù par 7 a 1 contra la Rotaliana con gol de Federico Obino, i esordienc “A” a venciù par 3 a 2 contra l Civezzano e i esodienc “B” a perdù par 3 a 0 contra l Pinè “B”.
Pierpaolo Rasom
Simone Rasom, Gianni Riz(dal 45’st Giacomo Deflorian), Davide De Pellegrini(dal 14’st Matteo Bernard), Gabriele Riz(dal 36’ st Lorenzo Riz), Giovanni Deflorian, Luca Trottner, Massimo Lorenz, Michele Petrone, Sebastiano Rasom, Samuele Ruggero(dal 25’st Sami Said), Patrizio Deville. All. Luciano Cigolla
AZZURRA – FASSA 24 MARZO 2024
