No taca tel mior di mec l giorn de retorn par l Fascia balon che a perdù par 2 a 1 contra l Audace. Part miec i parogn de ciasa e do 7 menuc i pasa con a trata de ciaf che fenesc te l sach. Sobito do i bec arcedè de Mister Luciano Cigolla se deseida e do 10 menuc ruà l gol del 1 a 1 co na trata da tanche fora l area de rigor de Gabriele Riz de Janoto che fenesc de do l portier de ciasa. Do l gol le i parogn de ciasa che sbalona inant a cerir so atacanc e i fascegn che se defen. Te l mez del temp rua na gran ocajion par passar endò inant par i parogn de ciasa co na trata de ciaf che Gabriele Riz le bon de salvar su la linea. Te la seconda part de la endesfida Trottner e compagnes cer de far l gol per passar inant ma zenza troar la trata dreta. Col jir di menuc le i parogn de ciasa che riscià de passar inant co na trata de ciaf da 5 metres da l usc che l joegn Simone Rasom de Rajum le bon de parar co n pè. Al mez del temp i joegn fascegn resta de 10 co l’ espulsion de capitan Luca Trottner de Dur. Do chesta situazion i bec de pres Ghetta se serà te do per ciapar amancol n pont. Somea che la endesfida fenese con n pari ma all’ultim menut ven fiscià na trata da i 11 metres ai parogn de ciasa che no i fala e i fascegna no porta a ciasa nience n pont. N endesfida engrada par i joegn fascegn che fin all’ultim i se a batù e par pech no i è stac bogn de portar a ciasa ponc. I ladins proeerà n domenia che vegn a defener l prum post contra l Telve a Telve da le 3.
Tel fin de setemana a jià ence la Juniores te l tornoi d’aisciuda creà da la FIGC. I bec de Mister Viale e Patrizio Cigolla a jià contra l’Alta Valsugana con a squadra formada da Juniores e Arleeves. La endesfida la stenta a se empear par via del “rujum” che l’era tra le doi formazion. I fascegn proa a passar inant con n par de ocajion ma zenza esit, passa mingol e le i ghesc che riscia de passar inant ma la trata a ciapà l remenat aut. Sul mez del temp le i joegn fascegn che passa inant con Erik Costa che l peta jun som al sach l balon da l 1 a 0. Do l gol i parogn de ciasa riscià de jir sul 2 a 0 con Daniel Chiocchetti, sobito do le i ghesc che riscia de far l 1 a 1 ma la trata fenesc sul remenat a dreta de Andreas Sommariva. Sul fenir de l prum temp rua l 2 a 0 Fascia con a trata da tanche fora l area de rigor de Michael Biloni. Te l secondo temp le i gehsc a partir miec e i troa l gol de l 2 a 1 co na trata da i 20 metres su cui l portier fascian no l pel far nia. I ghesc seghita a spenjer ma te l moment mior ghest le i joegn fascegn a meter l balon jun som al sach con Erik Costa. Mingol do i fascegn resta de 10 degra l espulsion ingiusta de Claudio Iori, passa 1° menuc e ence i ghest resta de 10. Al ultim menut i ghesc fas l secondo gol ma che no cambia l resultat con i fascegn che venc par 3 a 2.
Pierpaolo Rasom
Simone Rasom, Alessandro Sorarù, Alessandro Rasom, Gabriele Riz (dal 31’st Matteo Bernard), Giovanni Deflorian, Luca Trottner, MassimoLOrenz(dal 40’st Gabriele Zacchia), Michele Petrone(dal 18’st Matteo Lorenz),Sebastiano Rasom, Samuele Ruggero(dal 36’st Alessandro Crepaz), Patrizio Deville(dal 29’st Giacomo Deflorian). All.Luciano Cigolla
AUDACE – FASSA 5 MARZO 2023
