Nia da far par l Fascia Balon che n domenia a perdù contra l Audace su l engrà ciamp de Caldonazzo. Ti prumes menuc ten miec l ciamp i bec arcedè par chesta outa da Matteo Gabrielli che schicia te so 50 metres i parogn de ciasa ma zenza ruar a proar la trata envers usc. col passar di menuc i valsuganoc ciapa semper più ciamp e al mez de l prum temp i troa l gol che val la venta de gra a na bala perduda la Luca Trottner che fas partir l atacant de ciasa che fenes te dant l portier fascian e co n “pallonetto” l met l balon jun som l sach. Trottner e compagnes proa a drezar sobito la endesfida ma no i e bogn de crear ocajions fin a 5 menuc da la fin del temp co la trata de Alessandro Crepaz che ven parada dal portier. te la seconda part de la endesfida i bec de pres Ghetta se peta inant per cerir de drezar la partida ma zenza esser bogn de dar cruzies a la defendura de la Valsugana e enveze i parogn de ciasa proa a serar i jeghes con l secondo gol che no rua de grà a la pecia precision di atacanc e na gran parada de Simone Rasom de Rajum. Na desfata che no con far petar ju i joegn fascegn che proaarà endò a portar a ciasa i 3 ponc n domenia da mese le cater al Cotura contra l Azzurra.
Tel fin de setemana la Juniores a venciù par 4 a 1 contra la Dolomitica con goi de Alessio Stoffie, Daniel Chiocchetti, Sami Said e Thomas Bonelli, i Arleeves a venciù par 7 a 0 contra l Telve con 2 goi par om de Michael Prinoth e Sami Said e n gol a ciaf par Sebastian Cinzol, Omar Defrencesco e Simone Zanoner, i esordienc “A” a perdù par 4 a 2 contra l Fiem “A”, i esordienc “B” a parejà 2 a 2 ocntra l Pinè “B”, i ponjins “B a perdù par 2 a 1 contra l Fiem “F” e i ponjins “D” a venjù pèar 3 a 1 contra l Fiem “B”.
Pierpaolo Rasom
Simone Rasom, Gianni Riz (dal 35’st Gregor Löwe), Alessandro Rasom, Matteo Lorenz, Giovanni Deflorian, Luca Trottner, Gabriele Riz(dal 5’st Massimo Lorenz), Michele Petrone(dal 37’st Patrick Cincelli), Sebastiano Rasom(dal 20’st Matteo Bernard), Alessandro Crepaz, Samuele Ruggero. All. Matteo Gabrielli
AUDACE – FASSA 1 OTTOBRE 2023
