Rua n auter pont par l Fascia Balon degrà l pareje contra l Alta Anaunia. Ti prumes menuc le i bec de mister Capovilla che ten l balon e i proa a dar cruzies a la defendura nonesa. Nvers l mez dal temp rua la pruma ocajion fasciana con Davide De Pellegrini che co na trata de ciaf l brinca l remenat a dreta del portier de ciasa, pech do rua la più gran ocajion par i ladins, Michele Petrone del Pat ven petà via par jabas te area de rigor, l diretor de la endefisda das la trata da i 11 metres che Sebastiano Rasom de Gotart no l mudà n gol falan la trata da i 11 metres. Ti secondi carantacinch menuc la partida se jia tel mez del ciamp con nesciuna de le doi squadre abia la soramesa su l autra. I ladins proa a troar l gol co n par de trate da cet che l portier nones para. A n cart de ora da la fin rua l gol nones co na trata de ciaf che, do na deviazion, fenes te sach. do aer ciapà gol Trottner e compagnes no se destramet e i proa a drezar l endesfida. Someassa che i fascegn rue de retorn con n pugn de moscie ma ti menuc de recupero rua l gol fascian co na trata da cet de Patrizio Deville de Bronza che a gabolà duc batan sobito la trata che la e fenida te usc. N pont che das mingol de gaissa ai bec de pres. Trottner che i proaarà portar a ciasa i 3 ponc a l ombria de Sas da le Doudes contra l TNT Monte Peller a Tuenno da mese de 4 n domenia.
Tel fin de setemana la seconda squadra a perdù par 4 a 1 contra la Bolghera con gol de Claudio Iori, la juniores a perdù contra l Fiem par 3 a 1 con gol de Gabriele Lorenz, i Arleeves a venciù contra la Dolomitica con 3 goi de Federico Obino, 2 de Nicolas Rasom e 1 par om de Sergio Corra e Massimo Cairoli, i giovanissimes a venciù par 6 a 2 contra la Dolomitica con 3 goi de Tommaso Chiocchetti e un par om de Alessio Detomas, Nathan Depalma e Giacomo Cinzol, i esorienc “A” a pareja contra la Dolomitica par 3 a 3, i esordienc “B” a parejà par 2 a 2 contra l Val de Cembra e i ponjins “B” a venjù par 4 a 0 contra l Fiem “E”.
Pierpaolo Rasom
Simone Rasom, Gianni Riz, Tommaso Gloder, Matteo Bernard(dal 17’st Roberto Del Negro), Davide De Pellegrini(dal 30’st Gabriele Riz), Luca Trottner, Michele Petrone(dal 42’st Tomas Ngresi), Massimo Lorenz(dal 20’st Erik Costa), Sebastiano Rasom, Alessandro Crepaz, Patrizio Deville. All. Alessandro Capovilla
ALTA ANAUNIA – FASSA 5 OTTOBRE 2025
