Gran desfata par l Fascia balon che pert par 6 a 0 contra la neva pruma de la clas, l Telve. Fin da i prumes menuc le i parogn de ciasa che spenc inant par troar l gol del vantac che l rua do n cart de ora canche Giovanni Deflorian l ge fas na gambarola a l atacant valsuganot te area de rigor che l sauta via par jabas, par l diretor de la endesfida le rigor che fenes jun som al sach. Doi menuc do rua l 2 a 0 co n fal de la defendura fasciana che pasa l balon a l atacant telvat che dedant al portier fascian no l fala. Do chis 2 goi i bec de mister Cigolla no i bogn de reagir e i con seghitar a corer do ai aversaries e no i bogn de ge dar cruzies a la defendura de ciasa. Sul mez de temp i parogn de ciasa pasa endò con a trata dal cianton che fenes sul ciaf de l jiador de ciasa che fas fenir l balon te l sach. Pasa autres 10 menuc e l Telve “cala l poker” con a sbalonada che deventa l gran assist che l atacant tol sauta Simone Rasom te la so sortida e met l balon te usc. Te la seconda part de la endesfida la musega no muda e do 10 menuc rua l quinto gol de parogn de ciasa con a trata da tanche fora l area de rigor che ven parada da Simone Rasom che no pel far nia su la rebatuda. Col jir te la partida i parogn de ciasa taca a conzeder mingol de ciamp a Deflorian e compagnes e te una de le pecie azion da tant par i joegn fascegn Massimo Lorenz de Meca ven petà via par jabas sul or de l area de rigor ma par l diretor de gara no le la trata da i 11 metres ma na trata da tanche fora l area che no ven desfrutada da i bec de pres Ghetta. A l ultim menut rua ence l sesto gol con a trata da tanche fora l area de rigor che fenes apede l remenat a cencia del portier fascian. Na prestazion da spaent par i ladins che con desmentiar la endesfida e se arcedar “a testa bassa”, desche a dit l capitan di fascegn a fin de la endesfida, par se far troar te la mior de la condizion mentala e fisica par portar a ciasa i trei ponc n domenia contra l Primier a Mezzano da le trei.
Tel fin de setemana a jià la Juniores tel tornoi enjignà da la FIGC che a jenjù par 3 a 2 contra l Fiem con 2 goi de Michele Zulian e n gol de Erik Costa e i giovanissimes che a venciù par 6 a 3 contra l Perjen con 2 goi a ciaf par Michael Priunoth e Sami Said e n gol a ciaf par Simone Zanoner e Adam Rizzi.
Pierpaolo Rasom
Simone Rasom, Lorenzo Riz, Alessandro Rasom (dal 10’st Sofiane Bouckrik), Gabriele Riz (dal 20’st Giacomo Deflorian), Giovanni Deflorian, Matteo Lorenz (dal 30’st Gabriele Zacchia), Massimo Lorenz, Michele Petrone (dal 1’st Sebastian Cassan), Sebastiano Rasom, Samuele Ruggero(dal 1’st Alessandro Crepaz), Patrizio Deville. All.Luciano Cigolla
TELVE – FASSA 12 MARZO 2023
