Rua endodanef na venta par l Fascia balon che a vent contra l Ortigaralefre. Part sobito ben Deflorian e compagnes che do trei menuc passa inant co na bela trata da dalonc de Samuele Ruggero do aere intercettà n passaje falà da la defendura valsuganota. Pasa 10 menuc e i ghesc i e bogn de drezar la endesfida co n bela bela trata da tanche fora l area de rigor che la e ruada tal set zenza che Deflorian podestà far nia. Do chest scomenz crechenent la endesfida se chieta e la se jia tal mez dal ciamp, ma a la mesora rua l secondo gol fascian semper con Samuele Ruggero che l met l balon jun som al sach con a trata da cet do aer ciapà l remenat aut. Passa n par de menuc e i joegn de mister Cigolla fas n auter gol con Massimo Lorenz che, do na gran bala metuda da Patrizio Deville, la antizipà l portier co n “pallonetto” che le ruà jun som al sach. Ti secondi qarantacinch menuc de la endesfida i è mingol manco movimentè con i ghesc che proa a drezar la partida e i bec de pres Ghetta che se defen e part n contropè. Sul mez de temp rua na gran ocajion par i ghesc co na trata da bona posizion che Deflorian le bon de parar. A n cart de ora da la fin i fascegn podesa far l gol dal 4 a 1 degrà n rigor vadagnà da Patrizio Deville che però Samuele Ruggero no le bon de l meter te sach. Bela venta par l Fascia balon che da moral do le ultime engrade setemane e ge das ence i trei ponc che mencià ti ultime tempes. Con chesta gaissa i joegn fascegn proarà a ciapar autres 3 ponc a Vigolo Vattaro contra la Vigolana da mese le 3.
Te fin de la setemana la juniores a perdù par 7 a 0 contra l Val Cembra, i Arleeves a venciù par 2 a 1 contra la Dolomitica con goi de Sebastian Cinzol e Diego Platter, i giovanissimes a pareggià 1 a 1 contro l Pièdicastello con gol de Nicolas Rasom, i esordienc “A” a venciù par 2 a 1 contra l Fiem “B”, i esordienc “B” a venciù 3 a 0 contra la Dolomitica “B”.
Leonardo Deflorian, Alessandro Sorarù, Alessandro Rasom, Gabriele Riz(dal 15’st Sebastiano Rasom), Giovanni Deflorian, Tommaso Gloder, Massimo Lorenz, Michele Petrone(dal 26’st Gianni Riz), Matteo Bernard(dal 35’ st Gabriele Zacchia), Samuele Ruggero(dal 40’st Alessandro Crepaz), Patrizio Deville(dal 43’st Pierpaolo Rasom). All. Luciano Cigolla
FASSA – ORTIGARALEFRE 30 OTTOBRE 2022
