No va nesciun l derby te anter l Fascia Balon e Dolomitica. L scomenz de la endesfida le de targa fasciana co la pruma ocajion par Patrizio Deville che l proa la trata da tanche ite l area parada dal portier pardacian. Co l passar di menuc i patrogn de ciasa ciapa semper più ciamp e i dasc più de n cruzie a la defendura fasciana che a val vida la è bona de no ciapar gol. Al 20’ rua l gol fascian de gra l gol de Massimo Lorenz che le bon de controlar na bela trata de Matteo Lorenz , sutar l portier e meter l balon jun som al sach. Do aer ciapa gol i pardacegn i proa a drezar sobito la endesfida ma la trata da cet la ciapa dret l remenat aut. Sul fenir de l prum temp i patrogn de ciasa podesa pareva la partida de gra n rigor che però l atacant no le bon de mudar n gol ma l ciapa l remenat a cencia de Deflorian. Te la seconda part de la endesfida part miec i joegn arcedè da mister Cigolla e do 8 menuc rua l secondo gol con Samuele Ruggero che l desfruta n fal de la defendura de ciasa che i ge pasa l balon te dant al portier e l joegn da Moena no l ge peissa doi oute e l met l balon te sach. Co l jir di menuc i patrogn de ciasa ciapa più ciamp e Deflorian e compagnes se schicia masa endò. i pardacegn proa a far l gol che rimetesa n pe la partida e i bec de pres Ghetta i se defen e i proa a partir n contropè che però no i bogn de segnar l gol che aessa taa le ame a i patrogn de ciasa che a cinch menuc da la fin i troa l gol dal doi a un con n colp de ciaf do na trata dal cianton. Ti menuc de recupero rua l secondo gol de la Dolomitica co na sortida mingol “azzardada” deDeflorian che l va a vet rua l atacant che da doi pas da l usc l troa l gol del 2 a 2. L ultima azion le de marca fasciana ma i inant fascegn no i e bogn de far l gol de la venta. N pont che no contenta i joegn fascegn che fin a doi menuc da la fin i aessa ciapà i trei ponc. Ma i proaarà a se tor i trei ponc setemana che ven contra l Ortigaralefre da mese le 4 al Cotura.
Te l fin de setemana la Juniores a pareja par 0 a 0 contra l Roncegno, i Arleeves a venciù par 5 a 4 contra l Montevaccino con 2 gol de Adil Bouckrik e n gol a ciaf par Daniel Chiocchetti, Diego Platter e Nicolò Battisti, i giovanissimes a parejà par 4 a 4 contra l Valsugana con doi gol de Simone Zanoner e n gol a ciaf par Thomas Liberatore e Alexander Weiss, i esordienc “A” a venciù par 3 a 0 contra la Dolomitica “B”, i esordienc “B” a venciù par 2 a 1 contra l Val Cembra “C”, i ponjins “B” a venciù 3 a 1 contra l FIem “C”.
Pierpaolo Rasom
Leonardo Deflorian, Gianni Riz(dal 25’st Alessandro Rasom), Alessandro Sorarù(dal 40’st Giacom o Delforian), Matteo Lorenz(dal 10’st Gabriele Riz), Giovanni Deflorian, Patrick Cincelli, Massimo Lorenz, Michele Petrone(dal 20’st Alessandro Crepaz), Sebastiano Rasom, Samuele Ruggero(dal 43’st Matteo Bernard), Patrizio Deville. All. Luicano Cigolla
DOLOMITICA – FASSA 23 OTTOBRE 2022
