Rua la pruma desfata par l Fascia balon che i a perdù contra la Virtus Trento. Taca miec i joegn arcede da mister Cigolla che do n menut i podessa pasar inant con Gabriele Riz che te mez area de rigor l tira ma l portier fasc na gran parada. Col passar di menuc i fascegn taca a far fadia e i ghesc i ciapa semper de più te man l jech e al 20’ menut i pasa inant de gran a gran trata da i 20 metres che la fenesc tal set zenza che l joegn clas 2005 Simone Rasom no pose far nia. I fascegn stenta a jiar desche i e bogn de far e i ghesch se emprevalea e i troa l secondo gol do n contropè. Ti secondi 45 menuc le Deflorian e compagnes che fas la partida e i proa a la drezar. Dant ge proa Gabriele Riz con a trata da tanche fora area che la sigola apede l remenat a la dreta del portier, do ge proa Massimo Lorenz co na trata da tanche ite l area che l portier ghest para col pe. A n cart de ora da la fin rua l gol fascian con n rigor che Sebastiano Rasom a metù junsom al sach. Te l ultim cart de ora i fenc de pres Ghetta se peta duc inant par troar l gol dal pari ma degra a n par de bele parade del portier e a n salvament su la linia de l usc no i e bogn de troar che tant sperà. Na desfata che no con petar ju de morale i joegn fascegn che n domenia che ven i proarà endodanef a portar a ciasa i 3 ponc n domenia sul engrà ciamp de Pardac contra la Dolomitica da mese le 4. Ve speton duc ja Pardac a didar la squadra.
Tel fin setemana la juniores a venciù par 2 a 0 contra l Primier con i goi de Erik Costa e Michael Biloni, i Arleeves a venciù contra l Val de Cembra “B” par 7 a 0 con 2 goi par om de Adil Bouchrik e Alessio Stoffie e n gol par om de Sami Said, Thomas Ngresi e Daniel Chiocchetti, i giovanissimes a perdù par 1 a 0 contra l Borgo, i esordienc “A” a perdù par 3 a 0 contra l Val di Cembra “B”, i esordienc “B” a perdù par 3 a 0 contra l Porfido Albian, i ponjins “A” i a venciù par 3 a 1 contra l Fiem “B”, i ponjins “B” i a pareja par 2 a 2 contra l Fiem “E” e i ponjins “C” a venciù par 3 a 0 contra l Fiem “C”.
Pierpaolo Rasom
Simone Rasom, Alessandro Sorarù(dal 1’st Gianni Riz), Alessandro Rasom, Gabriele Riz(dal 18’st Matteo Bernard), Giovanni Deflorian, Patrick Cincelli, Massimo Lorenz, Michele Petrone(dal 38’st Giacomo Deflorian), Sebastiano Rasom, Alessandro Crepaz(dal 1’st Samuele Ruggero), Patrizio Deville. All. Luciano Cigolla
FASSA – VIRTUS TRENTO 16 OTTOBRE 2022
