Seghita l moment positif par l Fascia balon che n domenia passada a venciù contra l Invicta Duomo. Tac miec Deflorian e compagnes che do doi menuc passa inant con Samuele Ruggero l met te usc n bon assist de Patrizio Deville do che l aea recupera l passaje falà da l portier de ciasa. Col passar di menuc se fasc veder i parogn de ciasa con a trata da dalonc che no fenesc jun som al sach de gran a bela parada de Leonardo Deflorian. Pasa 5 menuc e i joegn fascegn i e bogn de far n auter gol con Samuele Ruggero che do na bela azion de squadra le bon de anticipar l defensor do che l portier aea parà la trata de Patrizio Deville. Do aer ciapà l secondo gol i trentinoc cer de drezar la endesfida, sul finir de l prum temp i podesa far l gol ma l atacant tira ados al portier fascian. Te la seconda part de la endesfida taca miec i ghesc che do 10 menuc fas l gol del 1 a 2 co na trata de ciaf da doi pas da l usc. Do l gol i parogn de ciasa se engaissa e cer te dute le maniere de far l gol del pari, entorn la mesora rua la più grana ocajion da i trentinoc ma la trata fenesc dreta sul remenat a dreta de Deflorian. Ti ultimes menuc ven petà fora Tommaso Gloder e su la trata da cet le l portier fascian che fas l miracolo petan fora la trata tirada n muie ben. Trei ponc padì par i bec de mister Cigolla che però ten ence chesta setemana l ciaf da la clasifica e proarà a ciapar endo i trei ponc contra la Virtus Trento n domenia al Cotura.
No le stat n gran fin de setemana par le squadre mendre ajache la juniores a perdù par 5 a 0 contra l Borgo, i Arleeves a perdù par 6 a 0 contra l Pinè, i giovanissimes a perdù par 6 a 1 contra l Cristo Re con gol de Michael Prinoth, i esordienc “A” a pareja contra l Porfido Albian par 2 a 2, i esordienc “B” a venciù contra l Fiem “B” 3 a 1, i ponjins”A” a vemciù par 3 a 0 cpntra la Montipallidi
Pierpaolo Rasom
Leonardo Deflorian, Alessandro Sorarù(dal 22’st Gianni Riz), Alessandro Rasom, Matteo Lorenz, Giovanni Deflorian, Tommaso Gloder, Massimo Lorenz(dal 25’st Alessandro Crepaz), Gabriele RIz, Sebastiano Rasom, Samuele Ruggero(dal 45’st Giacomo Deflorian), Patrizio Deville(dal 40’st Matteo Bernard). All. Luciano Cigolla
INVICTA DUOMO – FASSA 9 OTTOBRE 2022
